Մրգաշատ գյուղի խաչմերուկում մեքենայի մեջ տղամարդու դի է հայտնաբերվել

Արմավիրի մարզում` Երևան-Արմավիր ավտոճանապարհի Մրգաշատ գյուղի խաչմերուկում, այսօր` նոյեմբերի 26-ին, ողբերգական դեպք է տեղի ունեցել: Ինչպես հայտնում է Shamshyan.com-ը Ճանապարհային Ոստիկանության աշխատակիցները ծառայություն կատարելու ժամանակ նկատել են, որ Երևան-Արմավիր ավտոճանապարհի Մրգաշատ գյուղի խաչմերուկում Daewoo մակնիշի 226 ԼP 61 համարանիշի ավտոմեքենայի մեջ՝ ղեկի առջև, տղամարդու դի կա։ Պարզվել է, որ մահացածը Արմավիրի մարզի բնակիչ 57-ամյա Համլետ Խ.-ն է: Դատական բժիշկի նախնական եզրակացությամբ վարորդը՝ հանկարծամահ է եղել: Նախնական եզրակացության համաձայն՝ դիակի վրա բռնության հետքեր չեն հայտնաբերվել։ Քննիչի որոշմամբ նշանակել են մի շարք փորձաքննություններ, այդ թվում՝ դիակի դատաբժշկական: Փաստի առթիվ նյութեր են նախապատրաստվում։