Ռուսաստանը լո՞ւրջ է տրամադրված
ԱՄՆ-ը հույս ունի գնահատել ուկրաինական ճգնաժամը կարգավորելու Ռուսաստանի ցանկության լրջությունը։ Այս մասին լրագրողների համար հերթական ճեպազրույցում ասել է Պետդեպարտամենտի մամուլի ծառայության ղեկավար Թեմմի Բրյուսը։
«Աշխարհը սպասում է, թե արդյոք Ռուսաստանը լուրջ է», - ասել է նա: «Թրամփի վարչակազմը հավատարիմ է խաղաղությանը և ապագային, որին բոլորը կարող են անհամբեր սպասել», - շարունակել է Բրյուսը: Նրա խոսքով՝ ԱՄՆ պետքարտուղար Մարկո Ռուբիոն Փարիզում է «Ռուսաստանի և Ուկրաինայի միջև հակամարտությունը վերջ տալու ելք գտնելու համար»։
Ինչպես ավելի վաղ նշել էր Ռուբիոն իր X էջում, նա ԱՄՆ նախագահի հատուկ բանագնաց Սթիվեն Վիտկովի հետ ժամանել է Ֆրանսիայի մայրաքաղաք՝ ուկրաինական հակամարտության կարգավորման համար լուծումներ մշակելու համար։
Հետևեք մեզ Viber-ում
