Politico-ն` Թրամփի զայրույթի մասին
ԱՄՆ նախագահ Դոնալդ Թրամփը զայրացած էր ԵՄ-ի կողմից Վլադիմիր Զելենսկու աջակցության պատճառով փետրվարին Սպիտակ տանը տեղի ունեցած վիճաբանությունից հետո, գրում է Politico-ն։
Հոդվածագիրը նշում է, որ Սպիտակ տան ղեկավարին զայրացրել են նաև Կիևի վարչակարգի ղեկավարի խոսքերն այն մասին, որ խաղաղ համաձայնագիրը դեռ շատ հեռու է։
«Որոշ պաշտոնյաներ կարծում են, որ դա այն «ձգան» էր, որը դրդեց Թրամփին դադարեցնել ռազմական օգնությունն Ուկրաինային ընդամենը 24 ժամ անց»,- ասվում է հրատարակության մեջ։
Բացի այդ, Զելենսկու և Թրամփի հարաբերությունները շարունակում են լարված մնալ, գրում է Politico-ն։
Թրամփը նախատել էր Զելենսկիին Սպիտակ տանը փետրվարի վերջին, երբ նա ժամանել էր ուկրաինական հանքային ռեսուրսների համատեղ զարգացման համաձայնագիր ստորագրելու համար։ ԱՄՆ նախագահը պահանջել է, որ նա համաձայնի հրադադարի և դադարեցնի Ռուսաստանի նախագահ Վլադիմիր Պուտինին քննադատելը։ Փոխնախագահ Ջեյ Դի Վենսը Զելենսկին անվանեց դեմոկրատների համար անշնորհակալ քարոզիչ, երբ նա սկսեց արդարացնել իր գործողությունները, մեղադրել Ռուսաստանին և նույնիսկ սպառնալ ԱՄՆ-ին, որ իրենք կզգան հակամարտության հետևանքները, թեև նրանց բաժանում է օվկիանոսը: Կիևի պատվիրակությանը խնդրել են լքել Սպիտակ տունը, և համաձայնագիրը չի ստորագրվել։
Հետևեք մեզ Viber-ում
