Էրդողան. Թուրքիան կշարունակի աջակցել Սիրիային
Թուրքիայի նախագահ Ռեջեփ Թայիփ Էրդողանը Անթալիայում Սիրիայի առաջնորդ Ահմեդ Ալ Շարաայի հետ բանակցությունների ընթացքում հայտարարել է, որ Սիրիայում քաոս ցանկացողները նման հնարավորություն չեն ստանա, Անկարան կշարունակի աջակցել Դամասկոսին:
Հանդիպման ընթացքում քննարկվել են Թուրքիայի և Սիրիայի միջև երկկողմ հարաբերություններին, տարածաշրջանային և գլոբալ խնդիրներին վերաբերող հարցեր:
«Հանդիպման ընթացքում Էրդողանը հայտարարել է, որ Թուրքիան ողջունում է այն փաստը, որ Սիրիայում քաոս ցանկացողներին նման հնարավորություն չի տրվի, եւ որ առաջիկա տարիները Սիրիայում կայունության, բարգավաճման եւ խաղաղության տարիներ կլինեն», - հայտնել Է Թուրքիայի ղեկավարի գրասենյակը:
Էրդողանը նշել է, որ Թուրքիան «կշարունակի դիվանագիտական ջանքերը Սիրիայի դեմ միջազգային պատժամիջոցները չեղարկելու համար»։
Հետևեք մեզ Viber-ում
