Պենտագոն. ԱՄՆ-ն Եվրոպայում ռազմական ներկայության վերաբերյալ որոշում կկայացնի՝ հաշվի առնելով Ռուսաստանի հետ շփումները
Միացյալ Նահանգները դեռ որոշում չի մշակել Եվրոպայում ամերիկյան ռազմական ներկայության հետագա մակարդակի վերաբերյալ. այն կպատրաստվի, այդ թվում՝ հաշվի առնելով Մոսկվայի և Վաշինգտոնի միջև բանակցությունների արդյունքները։ Այս մասին Պանամա կատարած այցից հետո ասել է ԱՄՆ պաշտպանության նախարար Փիթ Հեգսեթը։
«Միակ մարդը, ով կորոշի ամերիկյան ուժերի կառուցվածքը Եվրոպայում, կլինի նախագահ Դոնալդ Թրամփը՝ գլխավոր հրամանատարը: Եվ մենք կշարունակենք քննարկումները, այդ թվում՝ Ուկրաինայի և Ռուսաստանի հետ բանակցությունների համատեքստում, այն մասին, թե ինչպիսին պետք է լինի մեր ուժային դիրքը մայրցամաքում, որը լավագույնս կծառայի Ամերիկայի շահերին և կապահովի բեռի բաշխումը Եվրոպայում», — ասել է Հեգսեթը։
ԱՄՆ ռազմական գերատեսչության ղեկավարը չի հստակեցրել, թե արդյոք կիսում է Եվրոպայում դաշնակիցների գերագույն հրամանատար, ԱՄՆ գեներալ Քրիստոֆեր Կավոլիի կարծիքը, ով ապրիլի 8-ին հայտարարել է, որ ԱՄՆ-ին անհրաժեշտ է ուժեղացված զորախումբ պահպանել Եվրոպայում։
Հետևեք մեզ Viber-ում
