Ով կասկածի տակ է դնում, գնացեք նրանից հարցրեք. Վարդան Հարությունյան
ՊԵԿ նախագահ Վարդան Հարությունյանը, անդրադառնալով «Ծառուկյան» խմբակցության պատգամավորների հայտարարությանը, որ Առինջ առևտրի կենտրոնը չի կարելի համեմատել քաղաքի կենտրոնում գտնվող այլ առևտրի կենտրոնների հետ, նաև դրանք տարբեր աշխատաժամանակ ունեն, նշեց, որ չի պատրաստվում մեկնաբանել դրանք: «Մենք փաստարկը բերել ենք, թվերը ներկայացրել ենք, դա բավարար է: Ով կասկածի տակ է դնում, գնացեք նրանից հարցրեք: Ո՞վ ասեց՝ նման բան կա»,- ասաց նա: Դիտարկմանը, որ պատգամավորներն են դա պնդում, ՊԵԿ նախագահը հակադարձեց. «Ես քաղաքականությամբ չեմ զբաղվում, ես հարկ եմ հավաքում, ու հարկահավաքությունը նորմալ է»: Վարդան Հարությունյանը հերքեց, որ առևտրականներին պարտադրում են փաստաթուղթ վերցնել կարգոների փոխարեն ստեղծված նոր կազմակերպությունից՝ Նորֆոլկ քոնսալթինգից. «Երբևիցե որևէ մեկին չեն ստիպել, որ գնան «Նորֆոլկ» կոչված ընկերությունից փաստաթուղթ վերցնեն: Իսկ ո՞վ է ասում, որ փատաթուղթ պետք է տան: Դա այլընտրանք է տրված իրենց: Կարող են իրենք իրենց փաստաթղթավորումն անել: Եթե չեն ուզում օգտվել, որևէ պարտադրանք չկա: Մարդը երբ ներմուծում է անում, պետք է իմանա՝ գործող ընթացակարգն ինչպես է»:
Հետևեք մեզ Viber-ում
