Ալիեւը ձեռքով անելով հեռացավ,Սերժ Սարգսյանն աննկատ անցավ
Արդեն տեղեկացրել ենք,որ Բրյուսելում այսօր մեկնարկել է Արևելյան գործընկերության (ԱլԳ) 5-րդ գագաթնաժողովը։ Ինչպես նշված է Եվրոպայի խորհրդի կայքում՝ գագաթնաժողովի ընթացքում Եվրամիության անդամ պետությունների ու Արևելյան գործընկեր վեց երկրների կամ նրանց կառավարությունների ղեկավարները կուղենշեն ապագա համագործակցությունը: Նրանք նաև ի մի կբերեն վերջին՝ 2015թ. Ռիգայի գագաթաժողովից հետո եղած ձեռքբերումները՝ կենտրոնանալով Արևելյան գործընկեր վեց երկրների քաղաքացիների համար ապահովված շոշափելի արդյունքների վրա: Արևելյան գործընկերության նկատմամբ՝ առավել արդյունքների վրա հիմնված մոտեցմանն աջակցելու նպատակով ԵՄ-ն սահմանել է 20 առանցքային արդյունքներ 2020թ. համար, ընդ որում՝ հիմնական ուղենիշները պետք է հստակեցվեն Բրյուսելում կայանալիք գագաթաժողովի ընթացքում: Այս նպատակներին հասնելու համար համագործակցությունը հիմնված է 2015թ. Ռիգայում կայացած Արևելյան գործընկերության գագաթաժողովի շրջանակում համաձայնեցված չորս հիմնական գերակայությունների վրա, որոնք են՝ ավելի հզոր տնտեսություն, ավելի ուժեղ կառավարում, ավելի ուժեղ միակցվածություն, ավելի հզոր հասարակություն: ԱԼԳ համաժողովին մասնակցող նախագահների ժամանել են արդեն,տեղում է նաև ՀՀ նախագահ Սերժ Սարգսյանը:Ալիևին լրագրողները փորձեցին հարցեր տալ, սակայն Ալիեւն անցավ՝ ձեռքով անելով,սակայն Սերժ Սարգսյանին չմոտեցան: Մեծ Բրիտանիայի վարչապետ Թերեզա Մեյը լրագրողներին ասաց,որ ԵՄ–ից հեռացած երկրի համար կարեւոր է անվտանգ հարեւանությունը։ Օրակարգում ԱԼԳ—ն է, բայց չի ժխտում ՝այլ կարեւոր հանդիպումներ էլ են սպասվում ։ Լրագրողները, որոնց երկրների ղեկավարները ժամանել են, կամաց–կամաց լքում են սրահը, որտեղ նաեւ բոլոր պատվիրակությունների դրոշներն են։ Հայաստանի դրոշին մոտենալ դժվար է. ադրբեջանցի լրագրողները նկարահանվում են. հայկական դրոշի ձախ կողմում Ադրբեջանի դրոշն է, աջում՝ Եվրամիության։
Հետևեք մեզ Viber-ում
