Զախարովայի պատասխանը չուշացավ

Ռուս և սերբ ժողովուրդները ուս ուսի տված կռվել են Երկրորդ համաշխարհային պատերազմի ժամանակ։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Դիվանագետը հիշեցրել է, որ Հարավսլավիայի ազատագրման ժամանակ Կարմիր բանակի մոտ 10000 զինվոր և սպա է զոհվել, այդ թվում՝ 4400 մարդ 1944 թվականի սեպտեմբերի 28-ից հոկտեմբերի 20-ը Բելգրադի ազատագրման ժամանակ, իսկ Կարմիր բանակի 21000 զինծառայող վիրավորվել կամ անհետացել է։

«Ես չեմ դատի, թե այդ մարդիկ, այս ներդրումը, նրանց կյանքը, նրանց սխրանքը սահմանափակ են, թե անսահմանափակ: Նրանք զոհաբերեցին իրենց կյանքը՝ չմտածելով սահմանների մասին: Դա հաստատ է: Եվ ես ուզում եմ ասել, որ մենք սերբերի հետ միասին կռվել ենք թշնամու դեմ»,- ասել է Զախարովան։

Այս կապակցությամբ ՌԴ ԱԳՆ պաշտոնական ներկայացուցիչը ուշադրություն է հրավիրել Երկրորդ համաշխարհային պատերազմին երկու երկրների մասնակցության մասին Սերբիայի նախագահ Ալեքսանդր Վուչիչի խոսքերը մեջբերելիս՝ նշելով, որ «թեման շատ բարդ է»։