Պայքար ԱԺ նախագահի աթոռի համար
«Իրատես» թերթը գրում է. «2018-ի ապրիլից հետո իշխանական վերնախավում բավական հետաքրքիր փոփոխություններ են սպասվում: ՀՀԿ կուլիսներում այսօր արդեն շատերը խոսում են ոչ միայն ապագա վարչապետի ով լինելու, այլեւ մյուս բարձրաստիճան պաշտոնյաների տեղափոխության մասին: Հետաքրքիր զարգացումներ են սպասվում ԱԺ նախագահի աթոռի հավակնորդների պայքարում: Մեր տեղեկություններով, խորհրդարանի ղեկավարի պաշտոնում Արա Բաբլոյանին չենք տեսնելու. նա, հավանաբար, կզբաղվի դիվանագիտական աշխատանքով, կնշանակվի դեսպան: Առավել դիտարժան է լինելու ԱԺ խոսնակի հնարավոր թեկնածուների մրցակցությունը: Որոշ տեղեկություններով, հավակնորդների մեջ է նար փոխխոսնակ Արփինե Հովհաննիսյանը, սակայն, նախագահականից առայժմ ոչինչ չի ասվել-ակնարկվել: Այս համատեքստում ուշագրավ մի դրվագ էլ կա. չնայած ԱԺ խոսնակի պաշտոնից զրկվելուց հետ Բաբլոյանն անգործ չի մնա, բայց տեղեկություններ կան, որ նրա և Արփինե Հովհաննիսյանի հարաբերությունները շատ լարված են: Թե ինչու բժիշկ խոսնակը իրավաբան փոխխոսնակին չի ուզում խորհրդարանի ղեկավար տեսնել, պարզ չէ, բայց իրազեկների պնդմամբ, նրանց միջով վաղուց սև կատու է անցել, և միմյանց հազիվ են հանդուրժում»: Ամբողջությամբ կարող եք կարդալ «Իրատես» թերթի այսօրվա համարում։
Հետևեք մեզ Viber-ում
