Էրեբունի եւ Նուբարաշեն վարչական շրջանների ընդհանուր իրավասության դատարանի դատավոր Մեսրոպ Մակյանը մերժեց «Սասնա ծռեր» խմբի անդամներ Սեդրակ Նազարյանի եւ Էդվարդ Գրիգորյանի խափանման միջոցը փոխելու մասին պաշտպանի միջնորդությունը: Դրանից հետո Արայիկ Խանդոյանի պաշտպան Արայիկ Պապիկյանը հայտարարեց՝ առանց իր պաշտպանյալի չի կարող մասնակցել դատական նիստին: Ուստի կլքի նիստերի դահլիճը եւ կսպասի ապակիներից այն կողմ, մինչեւ լրանա սանկցիայի ժամկետը: Խանդոյանի մյուս պաշտպան Արա Ղարագյոզյանը նույնպես հայտարարեց, որ առանց իր պաշտպանյալի իրավունք չունի նիստին մասնակցելու: Այնուհետեւ նրանք միջնորդեցին վերացնել Արայիկ Խանդոյանի սանկցիան եւ բերել նիստերի դահլիճ: Դատավոր Մեսրոպ Մակյանը եւս մեկ անգամ կրկնեց՝ Խանդոյանը անպատիվ արտահայտություններ է թույլ տվել դատախազների հասցեին, ինչն անհարգալից վերաբերմունք է նաեւ դատարանի նկատմամբ:
Այդ ժամանակ Պավել Մանուկյանը դատավորին ասաց. «Պետրոս Պետրոսյանն անընդունակ է այս գործով, չեմ ասում անգրագետ, այլ` անընդունակ: Ես նրան պետական դավաճան եմ համարում: Դուք նրա վիրավորանքները փաթաթում եք մեր վզին»:
Այսօր դատախազ Պետրոս Պետրոսյանը նույնպես անհարգալից էր եղել Խանդոյանի հանդեպ: Դատավորը որոշեց նրա նկատմամբ նախազգուշացման ձեւով սանկցիա կիրառել: Իսկ Արայիկ Խանդոյանին վերադարձնել նիստերի դահլիճ:
Դրանից հետո Արա Ղարագյոզյանն ավելացրեց. «Խանդոյանը վրդովվում է «ամբաստանյալ» դիմելաձեւից եւ կարելի է ազգանունով դիմել»:
Դրանից հետո պաշտպաններից Դավիթ Գյուրջյանը դատավորից հետաքրքրվեց՝ արդյոք դատախազներից Արամ Արամյանը այս գործով ներկայացրել է համապատասխան լիազորագիր: Պարզվեց, որ լիազորագիրը տրվել է նախորդ գործով: Դավիթ Գյուրջյանն առաջարկեց նիստը ընդմիջել եւ ժամանակ տալ լիազորագիր ձեռք բերելու համար:
Ինեսա Պետրոսյանն էլ ավելացրեց, որ երբ լիազորագիրը տրվել է, այդ ժամանակ Մեսրոպ Մակյանը դեռ Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր է եղել եւ գործուղված չի եղել այս դատարան: Պաշտպաններից Մուշեղ Շուշանյանն էլ հավելեց, որ Արամ Արամյանը մեղադրող չէ, դատախազ է, ուստի առաջարկեց դուրս հրավիրել դահլիճից:
Այս խոսքերը սակայն չհամոզեցին դատավորին: Դրանից հետո կասկածելով նրա անաչառությանը՝ Դավիթ Գյուրջյանը ինքնաբացարկի միջնորդություն ներկայացրեց դատավոր Մեսրոպ Մակյանին: Այս պահին դատավորը գտնվում է խորհրդակցական սենյակում: Այս մասին գրում է a1plus.am-ը:
Ապրիլի 29-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 29-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Ապրիլի 29-ին՝ ժամը 15։30-ին, Հայելի ակումբի հյուրն է Արմենուհի Կյուրեղյանը
Ապրիլի 29-ին՝ ժամը 13։30-ին, Հայելի ակումբի հյուրն է Արմինե Ադիբեկյանը
Ապրիլի 29-ին՝ ժամը 12։30-ին, Հայելի ակումբի հյուրն է Կարինե Նալչաջյանը
Ապրիլի 28-ին՝ ժամը 16։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 28-ին՝ ժամը 12։00-ին, Հայելի ակումբի հյուրն է Էդիկ Անդրեասյանը
Ապրիլի 28-ին՝ ժամը 13։30-ին, Հայելի ակումբի հյուրն է Հովհաննես Շահինյանը
Ապրիլի 28-ին՝ ժամը 15։30-ին, Հայելի ակումբի հյուրն է Կարապետ Պողոսյանը
Ապրիլի 28-ին՝ ժամը 15։00-ին, Հայելի ակումբի հյուրն է Աժ պատգամավոր Գառնիկ Դանիելյանը
Հետևեք մեզ Viber-ում
