Քանաքեռ-Զեյթունում սպանության դեպքով քրեական վարույթ է նախաձեռնվել․ դանակահարված մյուս քաղաքացու վիճակը ծայրահեղ ծանր է

Քանաքեռ-Զեյթուն վարչական շրջանում երեկ տեղի ունեցած սպանության դեպքի առթիվ քրեական վարույթ է նախաձեռնվել։

Հիշեցնենք, որ Քանաքեռ-Զեյթունի 136 դպրոցի և բնակելի շենքի բակում վիճաբանությունն ավարտվել է սպանությամբ։
ՀՀ ՔԿ մամուլի քարտուղար Կիմա Ավդալյանը «Փաստինֆո»-ի հետ զրույցում հայտնեց, որ դանակահարվելու հետևանքով հիվանդանոց է տեղափոխվել 2 անձ, մեկը մահացել է, մյուսի առողջական վիճակը՝ ծայրահեղ ծանր է:

Դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի 155-րդ հոդվածի 1-ին մասի՝ սպանության և 166-րդ հոդվածի 2-րդ մասի՝ առողջությանը ծանր վնաս պատճառել հատկանիշներով: