Գնալու են ծառայեն և գան սովորեն.ինչ է փորձում համոզել նախարարը
Արդեն տեղեկացրել ենք,որ Աժ-ում մեկնարկել է «Հանուն գիտության զարգացման» նախաձեռնության անդամների հետ կլոր-սեղան քննարկումը: Հանդիպմանը երկու կողմից էլ 5 հոգի են մասնակցում: Նիստը մեկնարկեց մեկ րոպե լռությամբ հարգելով այսօր ականի պայթյունից զոհված երեք զինվորների հիշատակը, նաև հիշեցին արցախյան ազատամարտի հերոս Լեոնիդ Ազգալդյանի ծննդյան օրը: «Զինվորական ծառայության և գիտության մեջ հակասություն չկա, այս խնդիրն արհեստական է : Խոսքը անընդհատության մասին: է Արցախյան շարժման ժամանակ հիմնական շարժիչ ուժը գիտնականներն էին, ովքեր թողեցին իրենց գրիչը և գնացին ծառայելու: Սկզբունքի խնդիր է, իսկ այն հետևյալն է, որ 18 տարին լրացած ցանկացած անձ պետք է կատարի իր պարտականությունը հայրենիքի հանդեպ: Այս սկզբունքը ընդունելի սկզբունք է և քննարկման ենթակա չէ»,- ասաց ՀՀ ԿԳ նախարար Լևոն Մկրտչյանը։ «Որոշ մասնագիտությունների համար իրոք կա անընդհատության խնդիր:Բայց քանի որ կա «Պատիվ ունեմ» ծրագիրը, ապա այն հնարավորություն է տալիս երիտասարդներին անցնել բակալավրիատի կրթություն, հետո շարունակել ուսումը: Նույն ձևով կարելի է առաջարկել, որ բակալավր ավարտելուց հետո, գնան սպայական աշխատանքի, այդ մեկ տարվա ընթացքում ընթացքում մասնագիտական իրենց որակները չեն կորցնի և կզբաղվեն իրենց մասնագիտությամբ»,- ասաց նա և նշեց, որ հարկավոր է հասկանալ, թե որ մասնագիտական ուղղություններն են, որ անընդհատության խնդիր ունեն: «Ավելի հեշտ է դառնում մագիստրատուրայից ասպերանտուրա անցումը:Այս բոլոր հարցերը, ենթաօրենսդրական դաշտի հնարավոր լուծումների տիրույթում են: Տասնյակից ավելի ենթաօրենսդրական ակտ պետք է ընդունել»,- հայտարարեց նա: Մկրտչյանը նշեց, որ պետք է միասին երիտասարդների ինչպես նաև պրոֆեսերոադասախոսական անձնակազմի հետ որոշեն` ում տալ արտոնություներ և ինչ չափանիշների դիմաց: «Պատկերացնում եմ, որ կձևավորվի լուրջ հանձնաժողով` ՊՆ, ԿԳ նախարարության գիտական հանրույթի երիտասարդ մասնակիցներից, որպեսզի հասկանանք՝ ինչ խնդիր կա, որոնք են այն դաշտերը և ինչ ձևով կարող ենք խնդիրը լուծել»,- ասաց նա: Ըստ նախարարի` խնդիրը երկու տարվա է, և երբ գա պարտադիր զինապարտություն անցնելու սերունդի հերթը, անընդհատությունը չի խախտվելու, որովհետև գնալու են ծառայեն և գան սովորեն: Ամփոփելով իր զեկույցը` նախարարը ողջունեց երիտասարդների այն միտքը` իրենց խնդիրը քաղաքական չէ: «Ես տպավորված եմ, որ նրանք անձնական խնդիր չունեն: Իսկապես պատրաստակամություն կա հասկանալ, հարցը լուծել»,- ընդգծեց նա:
Հետևեք մեզ Viber-ում
