Ռոուհանին`Սիրիայում ԻՊ-ի ոչնչացման մասին
Իրանի նախագահ Հասան Ռոուհանին հայտարարել է Սիրիայում «Իսլամական պետություն» ահաբեկչական խմբավորման նկատմամբ տարած հաղթանակի մասին: «Ես շնորհակալություն եմ հայտնում իսլամի բոլոր մարտիկներին, մեր դիվանագետներին, կառավարությանը, ազգին, հոգեւոր առաջնորդին, զինված ուժերին եւ Իրաքի ու Սիրիայի ժողովուրդներին խմբավորմանը վերջ դնելու նպատակով նրանց գործադրած ջանքերի համար, խմբավորում, որը, բացի չարիքից ու տառապանքներից, ոչինչ չի բերել: Աշխատանքի մեծ մասն արվել է Սիրիայի, Իրաքի եւ Լիբանանի բանակների ու ժողովուրդների կողմից, իսկ մենք նրանց օգնություն ենք ցուցաբերել որպես մեր կրոնական, իսլամական պարտք: ԻՊ-ն ահաբեկչական խմբավորում է, որին սնել եւ զինել են համաշխարհային գլխավոր տերությունները եւ տարածաշրջանի՝ ռեակցիոն տրամադրված առանձին երկրներ »,-ասել է Ռոուհանին:
Հետևեք մեզ Viber-ում
