Լավրովի այցելության խորհրդանշական իմաստի մասին
«Ռուսաստանի արտգործանախարար Սերգեյ Լավրովի այցելությունը Հայաստան խորհրդանշական իմաստ ունի. այս տարի մենք նշում ենք դիվանագիտական հարաբերությունների 25-ամյակը: Այսօր Հայաստանի ազգային պատկերասրահում մեծամասշտաբ փաստավավերագրական ցուցահանդես է բացվում՝ «Հայաստան-Ռուսաստան բարեկամություն՝ դարերով ստուգված» խորհագրով։ Այսօրվա բանակցությունների ընթացքում մենք քննարկեցինք ամբողջ մեր երկկողմանի հարաբերությունները, մանրամասն անդրադարձանք բարձր քաղաքական համաձայնությունների կատարման ընթացքին, որոնք այս տարվա՝ Հայաստանի ու Ռուսաստանի նախագահների երեք հանդիպումների ընթացքում էին ձեռք բերվել», -լրագրողներ հետ հանդիպմանն ասաց ՀՀ արտաքին գործերի նախարար Էդվարդ Նալբանդյանը։ «Լրացուցիչ իմպուլս են ստացել պաշտոնական այցելությունները, ՀՀ ու ՌԴ կառավարությունների ղեկավարների ու խորհրդարանների ղեկավարների հանդիպումները։Արձանագրել են երկկողմանի ապրանքաշրջնառության տնտեսական ակտիվության աճ։ Հանդիպման ընթացքում քննարկել ենք մի շարք ռեգիոնալ ու միջազգային օրակարգի հարցեր, անվտանգության հարցեր, հատուկ ուշադրություն ենք դարձրել Լեռնային Ղարաբաղի կարգավորման խնդրին:Բանակցությունները լիակատար փոխըմբռնմամբ են անցել, որ բնական է դաշնակից երկրների համար », - ասաց ՀՀ ԱԳ նախարարը:
Հետևեք մեզ Viber-ում
