Եթե մոռանանք, դա հաստատ կկրկնվի. Աննա Աստվածատուրյան-Տերկոտ
Ամերիկահայ գրող, հրապարակախոս, Բաքվի փախստական Աննա Աստվածատուրյան-Տերկոտը վերջերս Մոսկվայում և Սանկտ Պետերբուրգում ներկայացրել է իր «Изгнание в никуда» գիրքը, որում գրել է 1988-1992 թվականներին Ադրբեջանում տեղի ունեցած հայերի ցեղասպանության մասին։ «Ես 11 տարեկան էի, Սումգայիթը Բաքվում մեր կյանքի ավարտի սկիզբն էր, իմ մանկության ավարտն էր։ Մոտ 30 տարի է անցել այդ պահից, և ես գիտեմ, որ այդ գազանություններն ու ռասիզմը հայերի նկատմամբ շարունակվում է Արցախում և ամբողջ աշխարհում։ Դրա համար, ես կարծում եմ, որ Հայաստանի և Սփյուռքի հայերս իրավունք չունենք մոռանալու մեր պատմության այդ ողբերգական մասը, որովհետև եթե մոռանանք, դա հաստատ կկրկնվի»։ Նրա խոսքով՝ այդ ողբերգական իրադարձությունների մասին պետք է բարձրաձայնել, հասցնել ամբողջ աշխարհի մարդկանց՝ ցույց տալով Ադրբեջանին, որ որքան էլ նրանք փորձեն մեր պատմությունն ու մեր ազգը ջնջել, մենք հիմա այստեղ ենք և շարունակում ենք հիշել:
Հետևեք մեզ Viber-ում
