Կրասնոդարում երեք օրով փոթորկի նախազգուշացում է հայտարարվել

Կրասնոդարում երեք օրով փոթորկի նախազգուշացում է հայտարարվել, գրել է «МК на Кубани» պարբերականը։

Քաղաքի ղեկավար Եվգենի Նաումովը հայտնել է, որ Կուբանի մայրաքաղաքի օպերատիվ ծառայությունները պատրաստվել են վատ եղանակին։ Այսօր Կրասնոդարում մոլեգնում է փոթորկուն քամի, գիշերը ջերմաստիճանը կնվազի՝ հասնելով զրոյից ցածր նիշի, իսկ փետրվարի 16-ից սպասվում են առատ տեղումներ՝ հորդառատ անձրեւներ եւ ձյուն։

Քաղաքապետի խոսքով՝ ժամը 21:00-ից երկրամասի մայրաքաղաքում կսկսի շրջել 80 միավոր հատուկ տեխնիկա՝ ինքնաթափ մեքենաներ, բեռնիչներ, գրեյդերներ, գրել է «Московский комсомолец»-ը։

Եվգենի Նաումովն ավելացրել է. «Հարգելի կրասնոդարցիներ եւ Կուբանի մայրաքաղաքի հյուրեր, զգույշ եղեք: Ավելի լավ է մնացեք տանն ընտանիքի հետ»: