Ինչքան քարոզ կարդան գայլի գլխին, գայլը մնում է գայլ. Նալբանդյան
«Իրենից գառնուկ ձևացնելով` Ադրբեջանը որևէ մեկին խաբել չի կարող :Եռանախագահող երկրներն ամենաբարձր մակարդակով կոչ են անում զերծ մնալ ապակառուցողական մաքսիմալիստ դիրքորոշումներից, եթե կողմերը ցանկանում են հիմնախնդրի կարգավորումը: Արդյոք Ադրբեջանը դա անում է:Եռանախագահները կոչ են անում վերահաստատել հանձնառությունը միջազգային իրավունքի երեք հայտնի սկզբունքների` ուժի և ուժի սպառնալիքի չկիրառման, ինքնորոշման և տարածքային ամբողջականության: Արդյոք Ադրբեջանը դա անում է: Եռանախագահները կոչ են անում ընդլայնել ԵԱՀԿ անձնական ներկայացուցչի թիմի մոնիտորինգային կարղությունները: Իսկ ի՞նչ է անում Ադրբեջանը: Անում է ամեն ինչ, որ, եթե անգամ ինչ-որ շատ ձևական թվի ավելացում լինի այդ թիմի, ապա սահմանափակ լինեն դրա հնարավորությունները»,-լրագրողների հետ հանդիպմանն ասաց ՀՀ ԱԳ նախարար Էդվարդ Նալբանդյանը:
«Մոտ 8-9 տարի մենք քննարկում էինք հիմնարար սկզբունքները, հետո Ադրբեջանն ասաց, որ հիմնարար սկզբունքներ պետք չէ քննարկել: Այս շարքը կարելի է շատ-շատ երկար շարունակել: Այնպես որ, ինչ-որ հայտարարություններ անել, իրենցից գառնուկ ձևացնել, կարծում եմ, որևէ մեկին խաբել չեն կարող:Ժողովրդական ասացվածք կա` ինչքան քարոզ կարդան գայլի գլխին, գայլը մնում է գայլ»,-հավելեց Նալբանդյանը:
Հետևեք մեզ Viber-ում
