Ինչու են հայաստանցիները մեկնում Վրաստան՝ ծննդաբերելու
Հրապարակ թերթը հարցազրույց է արել ոստիկանության անձնագրային և վիզաների վարչության պետ Մնացական Բիչախչյանի հետ - ՀՀ քաղաքացիները հաճախ մեկնում են արտերկիր՝ ծննդաբերելու, որպեսզի նորածինները ստանան տվյալ երկրների քաղաքացիություն։ Որեւէ վիճակագրություն այս առումով տարվու՞մ է, ինչ տեղեկություններ ունեք այս մասին Դուք։ -Նախ ծննդի առումով գրանցման իրավասու մարմինը ոստիկանությունը չի, իսկ եթե նույնիսկ Հայաստանի քաղաքացին գնում է այլ երկիր ծննդաբերելու, որպեսզի երեխան ստանա այդ երկրի քաղաքացիությունը, դա իրենց ազատ տեղաշարժվելու իրավունքն է եւ այլ երկրի քաղաքացիություն ստանալու, բայց թող իրենք իմանան, որտեղ էլ ծննդաբերեն, եթե երեխան ծնվել է ՀՀ քաղաքացուց, օրենքի ուժով համարվում է ՀՀ քաղաքացի։ Մեր օրենքը գրկաբաց ընդունում է դրսում ծննդաբերած երեխաներին։ -Վերջին շրջանում ՀՀ քաղաքացիներ են մեկնում Վրաստան՝ ծննդաբերելու։ Ինչ նպատակով է դա արվում, ըստ Ձեզ։ Ինչով է Վրաստանի քաղաքացի լինելն ավելի ձեռնտու, քան ՀՀ քաղաքացի լինելը։ Գուցե՝ նորածիններին տրամադրվող նպաստի չափն է գայթակղիչ կամ վիզաների հետ կապված արտոնություններից են օգտվո՞ւմ։ -Չեմ կարող ասել՝ ինչի են գնում էնտեղ ծննդաբերելու, գուցե էնտեղ օդը լավ է։ Եթե մեկ-երկու հոգի գնում է էնտեղ ծննդաբերելու․․․չգիտեմ։ -Վրաստանն ունի՞ երկքաղաքացիության համակարգ։ -Ինչքանով տեղյակ եմ՝ ոչ։ -Ի՞նչ մեխանիզմով են հրաժարվում Վրաստանի քաղաքացիությունից։ -Կլինի Վրաստանի, թե մեկ այլ երկրի քաղաքացի, մեր քաղաքացիությունը ստանալու համար այլ երկրի քաղաքացիությունից հրաժարվելու պահանջ չի ներկայացվում։ -Եթե անձն ինքն է ցանկանում հրաժարվել այլ երկրից։ -Դա այդ երկրի օրենդրությունը պետք է ուսումնասիրվի։ Քանի որ օտարերկյա պետության քաղաքացին գալիս, ստանում է ՀՀ քաղաքացիություն, չի պահանջվում էդ երկրի քաղաքացիությունից հրաժարվել, դրա համար մեզ հետաքրքիր չի, թե ինչ պահանջներ է ներկայացվում այլ երկրի քաղաքացիությունից հրաժարվելու համար։
Հետևեք մեզ Viber-ում
