Հրդեհ «Ռիո մոլի» ավտոկայանատեղիում

Հայաստանի ԱԻՆ-ում, այսօր՝ նոյեմբերի 16-ին, ժամը 18:46-ին ահազանգ է ստացվել, որ հրդեհ է բռնկվել Երեւան քաղաքի Նաիրի Զարյան փողոցում՝ «Ռիո» սուպերմարկետի ավտոկայանատեղիում: Դեպքի վայր է մեկնել երկու մարտական հաշվարկ: Պարզվել է, որ հրդեհը բռնկվել է Ավետ Ավետիսյան փողոցի վերջնամասում գտնվող «Ռիո մոլի» եւ «Երեւան Սիթի» սուպերմարկետի մասնաբաժնի ավտոկայանատեղիում: Հրդեհը մարվել է տեղի ուժերով: Այրվել է «Volkswagen Polo» մակնիշի 02 MM 707 պետհամարանիշով ավտոմեքենայի (վարորդ՝ 1965 թ. ծնված Ա. Հ.) շարժիչը՝ մասամբ, մարտկոցն ամբողջությամբ եւ դիմացի լուսարձակը: Փրկարարները հոսանքազրկել են ավտոմեքենան: