Ինչ են պայմանավորվել․ «в споре рождается истина»
Ինչպես ավելի վաղ տեղեկացրել էինք` ԱԺ աշխատակազմի ղեկավարը դասադուլավոր ուսանողներին առաջարկել է հանդիպել: Ուսանողները քննարկումից հետո 5 հոգով որոշել են ընդունել առաջարկը: Հանդիպումը կայացել է ԱԺ փոխնախագահ Էդուարդ Շարմազանովի հետ: Հենց նոր հայտնի դարձավ, որ հանդիպումից և քննարկումից հետո Էդուարդ Շարմազանովը և «Հանուն գիտության զարգաման» նախաձեռության անդամ Դավիթը հայտարարել են, որ կդադարեցվի և դասադուլը, և հացադուլը: Շարմազանովը տեղեկացրեց, որ հանդիպման ընթացքում տղաներն առաջարկել են կլոր սեղան կազմակերպել և ԱԺ-ն պատրաստ է դրան. կլոր սեղանը տեղի կունենա նոյեմբերի 22-ին ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողովում, և կքննարկվեն տարկետման, ուսանողության, կրթության խնդիրները: «Մենք այսօր ևս մեկ անգամ ցույց ենք տալիս, որ պատրաստ ենք լսել ՀՀ յուրաքանչյուր քաղաքացու և մեր ուսանողների ձայնը լսել։ Հաացադուլն ինքնանպատակ չէ, դրա նպատակը իրենց ձայնը իշխանության մոտ լսելի դարձնելն էր: Ամսի 22-ին լինելու են գլոբալ քննարկումներ կրթության և տարկետման մասին: Ինչպես ասում են` «в споре рождается истина»:
Հետևեք մեզ Viber-ում
