Քավորներն իրենց բիզնեսն ընդլայնում են

«ՌԻՈ» առևտրային զվարճանքի կենտրոնների խոշորագույն ռուսական ցանցն ընդլայնում է սահմանները և դուրս է գալիս Հայաստանի շուկա նոր նախագծով: Այսօր՝ նոյեմբերի 13-ին Երևանում տեղի ունեցավ Ռուսաստանի Դաշնության հանրահայտ ցանցի հանդիսավոր բացումը:Երևանում «ՌԻՈ»-ն դարձավ Հայաստանի տարածքում խմբի կողմից բացված թվով 4-րդ առևտրի կենտրոնը: Նախկինում 2004թ.  բացվել է «Տաշիր» առևտրի կենտրոնը, 2012թ. Դալմա Գարդեն Մոլ առևտրային զվարճանքի կենտրոնը, իսկ 2016թ. Տաշիր Ստրիթ Շոփինգ Գելըրին։ «ՌԻՈ» առևտրային զվարճանքի կենտրոնը բացվել է «Տաշիր» ընկերությունների խմբի նախագահ Սամվել Կարապետյանի ջանքերով: Hayeli.am-ի տեղեկություններով՝ այս խոշոր կառույցը համատեղ բիզնես ծրագիր է, դրանում իր մասնաբաժինն ունի նաև տրանսպորտի և կապի նախկին նախարար Գագիկ Բեգլարյանը: «Ռիո» հիպերմարկետի տարածքը Գագիկ Բեգլարյանինն է: Հիշեցնենք, որ Սամվել Կարապետյանը Գագիկ Բեգլարյանի որդու՝ Հրանտ Բեգլարյանի կնքահայրն է: Այնպես է ստացվում, որ քավոր-սանիկներով Հայաստանում  իրենց բիզնեսն ընդլայնեցին առևտրային կենտրոնների միջոցով: