Նիկոլ Փաշինյանը վախենու՞մ է Տիգրան Ավինյանից
Տարին պտտվեց, բայց Երևանի քաղաքապետ աշխատող Տիգրան Ավինյանը Նիկոլ Փաշինյանից դեռ «ՍՄՍ» չի ստացել «Վաթսափի» իր համարին։
Հիշեցնենք, որ Տիգրան Ավինյանի հայրը «գեղի օփելներով համբալներ» էր անվանել Նիկոլի կողմից «3 միլիոն վարչապետ» և «հպարտ» որակված քաղաքացիներին։ Պարզ է, որ Նիկոլը կեղծ հարգանքով է վերաբերում ՀՀ քաղաքացիներին և ինքն էլ է համբալ համարում նրանց, բայց խնդիրն այն է, որ Տիգրանի հայրը բաց տեքստով է ասել այն, ինչ նիկոլենք մտածում են։ Իսկ դա վտանգավոր է Նիկոլի համար, քանզի պողոսները կարող է նյարդայնանան ու հանկարծ նրանց աչքերը բացվի։ Առանց այն էլ քիչ մնացած պողոսները կարող են երես թեքել Նիկոլից ու տակը կմնա միայն Աննա Հակոբյանի հետ հաղորդումը։
Եթե Նիկոլ Փաշինյանը Ավինյան Տիգրանին չի հեռացնում, ապա դա նշանակում է, երկու բան՝
1) Նիկոլ Փաշինյանը համակարծիք է Ավինյանի հոր ասածի հետ,
2) Նիկոլը համակարծիք է Ավինյանի հոր ասածի հետ (վերջին վեց տարիները դա ապացուցել են), բայց սխալ է համարում դրա մասին Տիգրանի հաայրը բարձրաձայն է ասում և հետևաբար՝ Ավինյանին պետք է զոհաբերել, սակայն ինքը չի կարող դա անել։
Եթե Փաշինյանը չի կարողանում Ավինյանին հեռացնել, ապա դա նշանակում է, որ վախ ունի նրանից։ Իսկ թե ինչով է պայմանավորված այդ վախը, իրենք երկուսով կիմանան։ Չէ՞ որ համատեղ գործած տարատեսակ հանցանքներ ունեն։
Նիկոլը վախենում է Տիգրան Ավինյանին հեռացնել նաև այն պատճառով, որ վախենում է Երևանի ավագանու արտահերթ ընտրությունից, ինչը կարող է լինել որոշակի զարգացումների դեպքում։
Ամեն դեպում արձանագրենք, որ Նիկոլը կիսում է «համբալ» որակման պատասխանատվությունը։ Մնացածը՝ փոքրիկ դետալներ են։
Պետրոս Ալեքսանյան
Հետևեք մեզ Viber-ում
