Թուրքիայի վարչապետը դատի է տվել ընդդիմադիր թերթին. պաշտպանում է որդիներին

Թուրքիայի վարչապետ Բինալը Յըլդըրըմը դատական հայց է ներկայացրել թուրքական ընդդիմադիր «Cumhuriyet» թերթի դեմ, գրում է ermenihaber.am-ը: Պատճառը վարչապետի որդիների՝ օֆշորային սկանդալում ներգրավվածության մասին թերթի հրապարակած լուրերն են: Յըլդըրըմի փաստաբանը պնդել է, որ այդ լուրերը իրականությանը չէին համապատասխանում և իրենք դրանց դեմ համապատասխան միջոցներ են ձեռնարկել։ Մասնավորապես որպես բարոյական վնասի փոխհատուցում Թուրքիայի վարչապետի փաստաբանը «Cumhuriyet»-ից պահանջել է 500հզ թուրքական լիրա (130,000 դոլար)։ «Դրախտի թղթերի» հրապարակումից հետո օֆշորային սկանդալի կենտրոնում էին հայտնվել Թուրքիայի վարչապետ Բինալի Յըլդըրըմը և նրա որդիները: Փաստաթղթերից հայտնի էր դարձել որ վարչապետի որդիները՝ Էրքամ Յըլդըրըմ, Բյուլենթ Յըլդըրըմ Մալթայում ունեն 5 ընկերություններ (Hawke Bay Marine Co, Black Eagle Marine, South Seas Shipping N.V., Dertel Shipping Limited, Nova Warrior Limited.): Պարզվել էր նաև որ Յըլդըրըմի որդիներից բացի հորեղբայր Յըլմազ Յըլդըրըմը նույնպես օֆշորային գոտում իր անվամբ գրանցված 2 ընկերություն ունի: