Դասադուլ.պահանջ՝ պահպանել տարկետման իրավունքը
Տարկետման իրավունքի սահմանափակման դեմ դասադուլ հայտարարած ուսանողներն այսօր առավոտից նորից վերսկել են իրենց դասադուլը: Նրանք այս պահին դեռեւս գտնվում են Երեւանի պետական համալսարանի շենքի առջեւ, որտեղից պետք է երթ սկսեն: Հիշեցնենք, որ ուսանողների ակցիան արդեն մի քանի օր է՝ շարունակվում է: Նրանք այս ընթացքում հանդիպել են ՀՀ վարչապետի, կրթության եւ գիտության ու պաշտպանության նախարարների հետ, սակայn իրենց ակցիան չի դադարել: Ուրբաթ օրը ուսանողները բողոքի ակցիան շարունակվել էր ԱԺ դիմաց, որտեղ Պաշտպանության և անվտանգության հարցերի մշտական հանձնաժողովում պետք է քննարկվեր օրինագիծը: Հիշեցնենք, որ ԱԺ Պաշտպանության և անվտանգության հարցերի մշտական հանձնաժողովը ուրբաթ օրը գիշերային արտահերթ նիստում չորս կողմ ձայնով դրական եզրակացություն տվեց կառավարության ներկայացրած «Զինվորական ծառայության և զինծառայողի կարգավիճակի մասին» նախագծին, որն այս շաբաթ երկրորդ ընթերցմամբ կքննարկվի ԱԺ լիագումնար նիստերի ժամանակ:
Հետևեք մեզ Viber-ում
