Հրազդանում նորածինը մնացել է զուգարանակոնքի մեջ, մահացել. iravaban.net
Նորածին երեխան շուրջ մեկ ժամ անօգնական վիակում մնացել է զուգարանակոնքի մեջ, ինչի արդյունքնում մահացել է: Մեղադրական եզրակացության համաձայն Լ.Մինասյանը Հրազդանի Երևանյան փողոցի տներից մեկում առանց բժշկական միջամտության և որևէ մեկի օգնությամբ ծննդաբերել է արական սեռի երեխա: Կինը լսել է երեխայի ճիչը, համոզված եղել, որ երեխան կենդանածին է: Փոքրիկին կյանքից զրկելու դիտավորությամբ՝ ծննդաբերությունից անմիջապես հետո, գտնվելով խիստ հուզմունքի վիճակում, նորածնին մեկ ժամից ավել անօգնական, առանց խնամքի և կերակրելու թողել է լոգարանի զուգարանագոգի մեջ: Զուգարանակոնքում մնալու արդյուքնում նորածինը մեխանիկական շնչահեղձության է ենթարկվել: Նրա շնչառական ուղիները օտար մարմիններով, հեղուկով,այդ թվում և պտղաջրերով: 2-3օր անց Լ.Մինասյանը նորածնի դին դրել է պոլիէթիլենային տոպրակի մեջ՝ ստվարաթղթե արկով տեղափոխել է Հրազդան քաղաքի Շահումյան փողոցին հարող անտառապատ տարածք ու դնելով թփերի մոտ՝ հեռացել է: Դատավոր Վարդան Ստեփանյանի նախագահությամբ գործը քննվում է Կոտայքի մարզի ընդհանուր իրավասության դատարանում: Կնոջ նկատմամբ որպես խափանման միջոց է կիրառվել՝ ստորագրություն չհեռանալու մասին:
Հետևեք մեզ Viber-ում
