Բաշար ալ-Ասադը Մոսկվայում է, Ռուսաստանը չի դավաճանում բարեկամներին դժվար իրավիճակներում (ՄԱՄՈՒԼ) (video)
Սիրիայի նախկին նախագահ Բաշար Ասադը գտնվում է Մոսկվայում և ապաստան է ստացել Ռուսաստանում, հայտնում է ՏԱՍՍ-ը՝ հղում անելով Կրեմլի աղբյուրին։
«Ասադն ու իր ընտանիքը ժամանել են Մոսկվա. Ռուսաստանը, հումանիտար նկատառումներից ելնելով, նրանց ապաստան է տրամադրել»,- ասել է գործակալության զրուցակիցը։
Մոսկվան անհրաժեշտ է համարում ՄԱԿ-ի հովանու ներքո Սիրիայում իրավիճակի կարգավորման բանակցությունների վերսկսումը, գրում է լրատվամիջոցը։
Ռուսաստանը դժվարին պայմաններում չհրաժարվեց Սիրիայի հեռացած նախագահ Բաշար ալ-Ասադից: Այս մասին հայտարարել է Վիեննայում միջազգային կազմակերպություններում Ռուսաստանի Դաշնության մշտական ներկայացուցիչ Միխայիլ Ուլյանովը։
«Բաշար ալ-Ասադը և նրա ընտանիքը Մոսկվայում են, Ռուսաստանը չի դավաճանում բարեկամներին դժվար իրավիճակներում»,- գրել է նա իր Telegram ալիքում։
Դիվանագետի խոսքով՝ սա է Ռուսաստանի Դաշնության և ԱՄՆ-ի տարբերությունը։
Հետևեք մեզ Viber-ում
