Արտուշ Գաբրիելյանի խոստումը Աշոտ Պետրոսյանին

Ավան եւ Նոր Նորք վարչական շրջանների ընդհանուր իրավասության դատարանում դատավոր Արտուշ Գաբրիելյանի նախագահությամբ այսօր շարունակվեց «Սասնա ծռեր» խմբի 11 անդամների գործով արտգնա դատական նիստը: Նախագահող դատավոր Արտուշ Գաբրիելյանը դատավարության մասնակիցներին տեղեկացրեց, որ ամբաստանյալներից Կարող Եղնուկյանը վատառողջ է եւ չի կարող գալ նիստերի դահլիճ: Նա տեղեկացրեց նաև, որ  15-20 րոպե, մինչ դատական նիստի մեկնարկը, զրուցել է Եղնուկյանի հետ, և վերջինս տեղեկացրել է, որ կարող է մտնել նիստերի դահլիճ և հայտարարել, որ առանց իրեն ու իր պաշտպանների կարող են նիստը շարունակել։ Անուհետև Գաբրիելյանն անդրադարձավ ամբաստանյալներից Աշոտ Պետրոսյանի դիմումին, որը նշել է՝ ՔԿՀ-ում իրեն արգելում են տրամադրել անհրաժեշտ նկարչական պարագաներ, այդ թվում՝ յուղաներկեր: Դատավորը տեղեկացրեց, որ զրուցել Է ՔԿՀ պետի հետ՝ նրան համապատասխան նկարչական պարագաներով ապահովելու հարցով։ ՔԿՀ ղեկավարությունը տեղեկացրել է, որ յուղաներկը այրվող նյութ է, ուստի արգելվում է դրա մուտքը ՔԿՀ։  Աշոտ Պետրոսյանն էլ հակադարձեց, որ դատավորին ստել են, իրեն մատիտներ չեն տրամադրել. «Գունավոր՝ տոնային թղթեր կան, որոնք եւս արգելում են: Մոմամատիտներ կան, որոնք եւս չեն թույլատրում, գունավոր գիչները բա ինչո՞ւ են արգելել»: Ամբաստանյալը հավելեց, որ ստիպված միայն սեւ մատիտով է ստեղծագործում: Արտուշ Գաբրիելյանը խոստացավ դիմել ՔԿՀ-ի ղեկավարությանը եւ կրկին հետաքրքրվել խնդրով: Դատական նիստը հետաձգվեց, այն կշարունակվի նոյեմբերի 16-ին։