Միսիս Թրամփի ճոխ առօրյան. լուսանկարներ

dailymail.co.uk կայքը ներկայացնում է այս ցնցող նկարները, որոնք պատկերացում են տալիս Միսիս Թրամփի տնային ճոխ հարմարությունների մասին, որոնք վայելում է շքեղ հագուկապով գուցեև ԱՄՆ առաջին տիկինը: Մարդիկ, ովքեր եղել են Սպիտակ տանը, հեռացել են այնտեղից դրա շքեղությունից ու թանկարժեքությունից առանձնապես չտպավորված, այնինչ Մելանյա Թրամփի համար, հուսանք, այն ընկճվելու առիթ չի լինի, գրում է dailymail.co.uk կայքը: Մինչ ամերիկացիները փորձում են համակերպվել հանրապետական թեկնածուի` ԱՄՆ հաջորդ նախագահ դառնալու ապշեցուցիչ հեռանկարի հետ, հետաքրքրությունն Ամերիկայի հնարավոր առաջին տիկնոջ հանդեպ մեծանում է: Այս նոր նկարները շշմեցուցիչ կերպով ի ցույց են դնում, որ սլովենուհի նախկին սուպերմոդելն ամերիկյան մի քանի նորաձևության տների ոչ պակաս նորաձև տիրուհին է: Նկարների մեծ մասն արվել է Թրամփների վիթխարի բնակարանում, որը գտնվում է Մանհեթենում և ունի հեքիաթային տեսարան` դեպի Սենթրըլ Փարք: Տունը կառուցված է վերսալյան պալատի նմանությամբ: «Ես միշտ «այո» չեմ ասում,- ասել է Մելանյան Us Weekly ամսագրին տված իր հարցազրույցում:- Ես ամուսնուս հետ կիսում եմ մտքերս, երբեմն նա հետևում է դրանց, երբեմն` ոչ»: «Միշտ համաձայնո՞ւմ եմ նրա հետ. ո՛չ, և ես ասում եմ նրան դրա մասին»: Թրամփներն ամուսնացել են 2005 թ. Փալմ Բիչում: Եղել է 1 միլիոն դոլար արժեցած արարողություն, որի ժամանակ Մելանյան կրել է Dior ապրանքանիշի 100,000-դոլարանոց զգեստ, իսկ հյուրերին մատուցվել է գրամը 50 ֆունտ արժեցող Grand Marnier ընկերության պատրաստած հարսանեկան տորթ: Նրանց որդին` Բարրոնը, ծնվել է հարսանիքից մեկ տարի անց, իսկ Մելանյան «ժառանգել» է նաև 4 չափահաս խորթ երեխաներին: Տիկին Թրամփը թողարկել է զարդերի հավաքածու և մաշկի խնամքի միջոցների տեսականի: «Մելանյան մեկն է, որը կարող է ձեզ հանգստացնել, ինչպիսի ճգնաժամի մեջ էլ, որ լինեք»,- ասում է նորաձևության դիզայներ և նրա ընկեր Ռեյչլ Ռոյը: Ընկերներն ասում են, որ տիկին Թրամփը հանգիստ է ու ներողամիտ և հանգստացնող ազդեցություն ունի իր դյուրագրգիռ ամուսնու վրա: Եթե ոչ այլ բանի, ապա դրա համար մենք, գուցե, մի օր իրոք շնորհակալ լինենք նրան: