Պակիստանում այսօր մահապատժի է ենթարկվել Փենջաբի նահանգապետին սպանողը

Պակիստանում առավոտյան մահապատժի է ենթարկվել Մումթազ Քադրին, որը 2011 թ սպանել էր Սալման Թասիրին ՝ Փենջաբ խոշորագույն նահանգի ղեկավարին: Հանցագործին կախաղան են հանել Ռավալփինդի քաղաքի բանտերից մեկում, հայտնում է ՏԱՍՍ–ը, վկայակոչելով Geo TV հեռուստաալիքը: 2011 թ. հունվարի 4-ին Իսլմաբադի կենտրոնում Թասիրին կրակել ու սպանել էր նրա թիկնապահ Մումթազ Քադրին: Քադրին ՆԳՆ զորքերի էլիտար ստորաբաժանման զինծառայող էր ու պատասխանատու էր քաղաքական գործչի անձնական անվտանգության համար: Անմիջապես սպանությունից հետո կրակողը հանձնվել էր ոստիկանությանը ու խոստովանել իր հանցանքը: Նրա խոսքով, սպանության պատճառն էր դարձել նահանգապետի քննադատությունը երկրում գործող Աստվածանարգության մասին օրենքի վերաբերյալ, որի հիման վրա Մուհամեդ մարգարեի, Ղորանի ու իսլամի այլ սրբությունների վերաբերյալ վիրավորանքը քրեական հանցագործություն է համարվում ու պատժվում մահապատժով: Թասիրը այդ հակասական օրենքի ամենավառ հակառակորդներից էր ու պահանջում չեղարկել այն: Նախկին ոստիկան Քադրին մինչեւ վերջին պահը հույս ուներ, որ իրեն ներում կշնորհվեն ու ազատ կարձակեն, սական երկրի բոլոր դատական կառույցները ու անձամբ նախագահ Մամնուն Հուսեյնը մերժել էին նրա միջնորդությունները: Քադրիի մահապատժի կապակցությամբ Պակիստանում ակնկալվում է բազմաթիվ իսլամական քաղաքական կուսակցությունների ու շարժումների բողոքի ցույցեր: Դրանց կողմնակիցները մինչեւ վերջին պահը պահանջում էին ազատ արձակել ոստիկանին, նրան համարելով հավատքի իսկական պաշտպան: Տեղի վերլուծաբանների կարծիքով Քադրիի մահապատժի օրը  փետրվարի 29-ն է ընտրվել, որպեսզի հնարավոր լինի խուսափել հետագա ամենամյա բողոքի ցույցերից: