ՏԻՄ ընտրությունների քվեարկողների թիվը

Հանրապետության թվով 69 համայնքներում ընթացող տեղական ինքնակառավարման մարմինների ընտրությունների քվեարկության մասնակիցների թիվը ժամը 20:00-ի դրությամբ 243335 քաղաքացի է կամ ընտրողների 50.06 տոկոսը:  Արագածոտնի մարզի Ապարան քաղաքում քաղաքապետի ընտրություններին մասնակցել է քվեարկության իրավունք ունեցող 18105 քաղաքացիներից 11419-ը՝ 63.07 տոկոս։ Սյունիքի մարզի Գորիս քաղաքում քվեարկության իրավունք ունեցող 22148 քաղաքացուց մասնակցել է 13162-ը՝ 59.43 տոկոս, Սիսիանում՝ 23213 քաղաքացուց ընտրություններին մասնակացել է 12639-ը 54.45 տոկոս։ Արարատի մարզի Արտաշատ քաղաքում էլ ընտրելու իրավունք ունեցող 21600 քաղաքացուց ընտրություններին մասնակցել է 4782 քաղաքացի՝ 22.14 տոկոս, իսկ Արարատ քաղաքում 13326-ից մասնակցել է 4239-ը՝ 31.81տոկոսը։