Դավիթ Տոնոյանը Ռուզաննա Խաչատրյանի գրառումների մասին

Արտակարգ իրավիճակների նախարար Դավիթ Տոնոյանն այսօր լրագրողների հետ զրույցում, չցանակացավ մեկնաբանել պաշտպանության նախկին նախարար Սեյրան Օհանյանի կնոջ՝ Ռուզաննա Խաչատրյանի կատարած գրառումները, քանի որ դա ճիշտ չի համարում: «Խոսքը անձնական գրառումների մասին են, և ես խնդրում եմ այդ հարցերը չշարունակել», - հայտարարեց Դավիթ Տոնոյանը։ Լրագրողի հարցին, թե Ռուզաննա Խաչատրյանը իր գրառման մեջ բանակից խուսափած պաշտոնյայի մասին է նշում, ո՞ւմ նկատի ունի նախկին նախարարի կինը, Դ.Տոնոյանը պատասխանեց. «Բոլոր չծառայածների վերաբերյալ տվյալները բոլորիդ հայտնի են»։ Ճշտող հարցին, թե նրա գրառումներում Դ.Տոնոյանն արդյոք պաշտպանության նախարար Վիգեն Սարգսյանին ուղղված ակնարկ տեսել է, ԱԻ նախարարն ասաց. «Չեմ մեկնաբանում։ Ակնարկ չեմ տեսել»։