Ինչպես են լուծելու ծույլ պաշտոնյաների հարցը
Այսօր լրագրողների հետ հանդիպմանը ՀՀ վարչապետ Կարեն Կարապետյանը նշեց, որ բորոլն իրենցից պահանջում են արդյունավետ աշխատանք, սակայն 5500 մարդու կրճատելով՝ լավագույններին չեն կրճատում: Ինչպես ասաց՝ պետական համակարգում կատարված կրճատումներն անհրաժեշտ էին, քանի որ կրճատվող աշխատակիցների շարքում են նաև ծույլ պաշտոնյաները: «Հարցնում եք՝ ուսուցչին ինչպե՞ս եք կրճատում: Քի՞չ օրինակներ գիտեք, երբ ուսուցիչը ուսուցիչ չէ և ավելի լավ է ուսուցիչ չլինի: Կամ երբ բժիշկը բժիշկ չէ ու լավ է չլինի: Լավ երկիր ունենալ հնարավոր չէ, եթե չկա լավ կառավարում: Դա դոգմա է, չի կարելի մոտավորապես կառավարելով լավ արդյունք ստանալ: Պետությունն իրականում մեծ գործառույթներ ունի իրականացնելու: Ես կողմնակից եմ, որ բիզնեսում պետության հիմնական գործառույթը բիզնեսին չխանգարելը լինի, բայց այսօրվա իրավիճակն այնպիսին է, որ մենք շատ դեպքերում բիզնեսի համար կատալիզատորի դեր ենք կատարում և օժանդակելու ենք դրան: Հենց բիզնեսը կայունանա, կանգնի ոտքի, այդ ժամանակ արդեն մեր գործառույթը կլինի նրանց չխանգարելը», - հայտարարեց ՀՀ վարչապետը:
Հետևեք մեզ Viber-ում
