ՀՀԿ-ն մրցակիցներ չունի.Շարմազանով
ՀՀԿ ԳՄ հերթական նիստից հետո կուսակցության մամլո խոսնակ Էդուարդ Շարմազանովը լրագրողներին տեղեկացրել է, թե ինչ հարցեր են քննարկվել այսօրվա նիստում: Բնականաբար խոսվել է նոյեմբերի 5–ին սպասվող ՏԻՄ ընտրությունների մասին, որտեղ, ինչպես հայտնի է, ՀՀԿ-ն մրցակիցներ չունի, բացի ԲՀԿ-ից և ՀՅԴ-ից: Էդուարդ Շարմազանովը չթաքցրեց անգամ, որ ավելի հետաքրքիր և մրցակցային կլիներ, եթե քաղաքական այլ ուժեր ևս առաջադրեին իրենց թեկնածուներին: Այսօր քննարկվել է նաև կառավարության ներկայացրած բյուջե 2018 նախագիծը:«Բյուջեի նախագիծը իրատեսական է, կայունացման բյուջե է և նպատակ ունի երկարաժամկետ աճ ապահովելու: 2018-ի բյուջեն նախատեսում է 4,5-5 տոկոս տնտեսական աճ, ներդրումների ավելացում: Դրական ենք գնահատում ԱԺ-ում տեղի ունեցած քննարկումները: Սա ռեալ բյուջե է»,- ասաց Շարմազանովը` հավելելով, որ լավ կլիներ, եթե ընդդիմադիր ուժերը` բյուջեն քննադատելուց զատ, ներկայացնեին նաև իրենց կողմից մշակած այլընտրանքային բյուջեի նախագծերը:
Հետևեք մեզ Viber-ում
