Ծառուկյանը քարոզարշավի վերջին ակորդներին կհետևի Չեխիայից

Հրապարակ օրաթերթը գրում է.<<Վաղը՝ նոյեմբերի 3-ին, «Ծառուկյան դաշինքի» պատգամավորները կմեկնեն մարզեր՝ մասնակցելու նոյեմբերի 5-ի ՏԻՄ ընտրությունների քարոզարշավի եզրափակիչ ակորդին։ Վարդեւան Գրիգորյանը, Վահե Էնֆիաջյանը, Գեւորգ Պետրոսյանը կլինեն Շիրակի Մարալիկ քաղաքում, հոկտեմբերի 29-ին էլ Ախուրյանում էին քարոզարշավին մասնակցել, ներկա է եղել նաեւ նախկին ՀՀԿ-ական Վարդան Ղուկասյանը․ այս համայնքում ՀՀԿ-ն թեկնածու չունի, դաշինքի թեկնածուն մրցում է ՀՅԴ-ականի հետ։ Իսկ Նաիրա Զոհրաբյանն ու Միքայել Մելքումյանը կուղեւորվեն Սեւան։ Թեեւ նախապես հայտարարվել էր, որ վերջին միտինգներին Գագիկ Ծառուկյանը կմասնակցի, սակայն չի լինելու՝ երեկ մեկնել է Չեխիա։ Բայց տեսաուղերձներ է ուղարկել Սիսիան, Վայոց Ձոր, Ախուրյան եւ այլ համայնքների բնակիչներին>>։