«Ի՞նչ ա նշանակում՝ ՀՀԿ-ն քֆուր ա կերել»
«Ի՞նչ ա նշանակում՝ ՀՀԿ-ն քֆուր ա կերել, նման բան չկա: Դրանք պրիմիտիվ ձևակերպումներ են, որոնք հարիր չեն ոչ ՀՀԿ-ին, ոչ էլ մամուլին»,- այսօր խորհրդարանում լրագրողներին ասաց ՀՀԿ խոսնակ Էդուարդ Շարմազանովը: Նշենք, որ քանի օր է մամուլը գրում է, վերը նշվածիմասին՝ անդրադառնալով ընտանեկան բռնությունը կանխարգելող օրենքի նախագծին: «Օրենքի նախագիծն այս տեսքով խնդրահարույց է, այժմ քննարկումներ են ընթանում, որպեսզի նախագիծը բերվի այն տեսքի, որը ընդունելի կլինի»,- նշեց նա: Շարմազանովն ասաց, որ սա առաջին դեպքը չէ, տարբեր նախագծերի նկատմամբ նման մտահոգություններ եղել են, նախագծերը վերամշակվել են. «Տնտեսական բռնության հետ կապված որոշակիություն չկա, ինչ է հոգեբանական բռնությունը՝ որոշակիություն չկա: Արդյոք ապաստարանները պետք են, թե ոչ, եթե մարդիկ ապաստարաններում շատ լինեն, էդ ծախսերն ով է անելու, ով է ապաստարաններում վերահսկողություն անելու: Ծնողի հեղինակության հետ կապված խնդիր կա, հազար ու մի պրոբլեմ կա»:
Հետևեք մեզ Viber-ում
