Հայոց ցեղասպանության թանգարան-ինստիտուտի փոխտնօրեն Սուրեն Մանուկյանն իր ֆեյսբուքյան էջում գրել էր, որ ազատվել է պաշտոնից: Նա մանրամասներ չէր գրել, ուղղակի խնդրել էր թանգարանի հետ կապված խնդրանքներ, առաջարկություններ, նախագծեր չներկայացնելել: Tert.am-ը Սուրեն Մանուկյանի հետ զրույցում փորձել է պարզել պաշտոնից ազատվելու պատճառները:
-Պարո՛ն Մանուկյան, Ձեր գրառման մեջ նշել էիք, որ վերջապես ընդունվեց Հայոց ցեղասպանության թանգարան-ինստիտուտի տնօրենի պարտականությունների կատարումից Ձեզ ազատելու դիմումը: Դուք փոխտնօրենի պաշտոնում չէի՞ք:
-Այո, փոխտնօրենի պաշտոնում էի, բայց երկու ամիս է` տնօրենի պարտականություններ էի կատարում:
-Այդ դեպքում, թանգարան-ինստիտուտի տնօրեն Հայկ Դեմոյանը ո՞ր պաշտոնում էր:
-Նա ԱՄՆ-ում է այժմ, ծրագրով գնացել է հետազոտություն կատարելու:
-Այժմ ո՞վ է կատարելու տնօրենի պարտականությունները:
-Գիտությունների ազգային ակադեմիան, մենք ակադեմիայի համակարգի ինստիտուտ ենք:
-Որքա՞ն ժամանակ է, որ թանգարան-ինստիտուտում էիք աշխատում:
-Արդեն 11 տարի էր:
-Ինչ-որ խնդիր եղե՞լ է, որ ազատման դիմում եք ներկայացրել:
-Ճիշտն ասած, չեմ ուզում դրա մասին առանձնապես խոսել, տարածել: Նախընտրել եմ ավելի շատ գիտական գործունեության վրա կենտրոնանալ:
-Ձեր գրառումից այնպիսի տպավորություն էր, կարծես, ինչ-որ խնդիր, կոնֆլիկտ եղած լիներ:
-Տպավորությունը տարբեր կարող է լինել, բայց, ամեն դեպքում, գրել եմ այն, ինչը գրել եմ: Եթե դրանից ավելի ինչ-որ բան ուզենայի ասել, կգրեի: Ինձ թվում է` առանձնապես կարևոր խնդիր չէ սա, որ լուսաբանվի:
-Հայկ Դեմոյանի հետ կապվա՞ծ էր խնդիր եղել:
-Չեմ ուզում մանրամասնել, կներեք: Անձնական խնդիր է, դրա համար չեմ ուզում:
-Իսկ չէի՞ք կարող պաշտոնին զուգահեռ գիտական աշխատանքով զբաղվել:
-Վարչական գործը շատ մեծ ժամանակ է խլում, դրա համար որոշեցի միայն գիտականի վրա կենտրոնանալ:
-Այժմ կոնկրետ ի՞նչ ծրագրեր ունեք:
-Ճիշտն ասած, դեռ չգիտեմ, բայց մեկ ամսվա ընթացքում կտեսնեմ՝ ինչ ծրագրեր կունենամ: Այժմ ոչ մի բան չեմ կարող ասել, մի քիչ անորոշ վիճակ է:
Ապրիլի 29-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 29-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Ապրիլի 29-ին՝ ժամը 15։30-ին, Հայելի ակումբի հյուրն է Արմենուհի Կյուրեղյանը
Ապրիլի 29-ին՝ ժամը 13։30-ին, Հայելի ակումբի հյուրն է Արմինե Ադիբեկյանը
Ապրիլի 29-ին՝ ժամը 12։30-ին, Հայելի ակումբի հյուրն է Կարինե Նալչաջյանը
Ապրիլի 28-ին՝ ժամը 16։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 28-ին՝ ժամը 12։00-ին, Հայելի ակումբի հյուրն է Էդիկ Անդրեասյանը
Ապրիլի 28-ին՝ ժամը 13։30-ին, Հայելի ակումբի հյուրն է Հովհաննես Շահինյանը
Ապրիլի 28-ին՝ ժամը 15։30-ին, Հայելի ակումբի հյուրն է Կարապետ Պողոսյանը
Ապրիլի 28-ին՝ ժամը 15։00-ին, Հայելի ակումբի հյուրն է Աժ պատգամավոր Գառնիկ Դանիելյանը
Հետևեք մեզ Viber-ում
