Վերջին շրջանում մեծ աղմուկ հանած «Կանազի» մշակույթի տան շենքը Երեւանի ավագանու որոշմամբ հանձնվեց Երեւանի ավագանու նախկին անդամ Հրանտ Թոխատյանին,ով կստեղծի «Արվեստի այբբենարան» մշակութային հիմնադրամը:
Քվեարկությունից առաջ Հրանտ Թոխատյանը ներկայացրեց, թե ինչ նպատակ է հետապնդում իր հիմնադրամը եւ ինչ են ստեղծելու «Կանազ»-ի տեղում:
Նա բրոշյուրով ներկայացրեց իր տեսլականը թատրոնի շենքի հետ կապված, այն ելույթի վերջում փոխանցեց քաղաքապետարանին:« Թատրոնը կարող է լինել շահութաբեր, դերասանները կարող են բարձր վարձատրություն ստանալ ներկայացումներ խաղալով եւ ունենալ լեփ-լեցուն դահլիճներ, որը 25 տարում չեն ունեցել: Վերջապես գտնվեց մի շենք: Ես գիտեմ, որ այնտեղ եղել է Երեւանի ավագանու «Ելք» դաշինքը, եթե չեմ սխալվում նաեւ փոխքաղաքապետն է եղել եւ տեսել եք շենքի վիճակը: Որքան հասկացա սոցցանցերից, «Երկիր ծիրանի»-ի անդամներն էլ են եղել այդ շենքում, չգիտեմ որքանով են ներս մտել, թե չէ, բայց հրավիրում եմ բոլորիդ:10 տարին դա ահավոր քիչ է այն ամենի համար ինչ-որ մենք այնտեղ ուզում ենք անել եւ այն ներդրման համար, որը մենք անելու ենք: Եթե որեւէ մեկը դահլիճում, որոնք որ զբաղվում են թատրոնով կամ բիզնեսով կամ ֆինանսիստ են, եթե որեւէ մեկը կկարողանա բերել մի օրինակ, որ 1 միլիոն դոլարին համարժեք ներդնելով հնարավոր է 10 տարում 1 լումա վերադարձնել, ես կասեմ այդ մարդուն՝ բրավո եւ կհրավիրեմ մեր հետ գործելու»,- ասաց Հրանտ Թոխատյանը եւ շարունակեց, որ ավագանու նիստին գալու իր նպատակն այն էր, որ ներկայացներ շենքի հետ կապված իրենց ծրագրերը:
Վերջինիս խոսքով, պետք է ստեղծվի թատերական դպրոց, պրոֆտեխուսումնարան, թատրոն եւ մանկական թատրոն եւ դիմելով ավագանուն ասաց, եթե ժամկետը երկարացնելու հնարավորություն կա, ապա ավելի երկար ժամկետով շենքը իրեն հանձնեն:
«Այսօր շենքն ահավոր վիճակում է: Մենք միայն ասում ենք՝ պատմամշակութային: Ի՞նչ է մնացել այդ պատմամշակութային շենքից, բացի դրսի պատերը՝ ոչինչ: Դա բարբարոսային վերաբերմունք է այդ շենքին: Այո՛, ես ուզում եմ, որպեսզի մենք շենքը կարողանանք վերականգնել եւ շենքը ծառայի մշակույթին, ինչպես եղել է նախկինում: Ես ինքս 70-ականներին խաղացել եմ այդ բեմի վրա»,- եզրափակեց Հրանտ Թոխատյանը:
Ապրիլի 29-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 29-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Ապրիլի 29-ին՝ ժամը 15։30-ին, Հայելի ակումբի հյուրն է Արմենուհի Կյուրեղյանը
Ապրիլի 29-ին՝ ժամը 13։30-ին, Հայելի ակումբի հյուրն է Արմինե Ադիբեկյանը
Ապրիլի 29-ին՝ ժամը 12։30-ին, Հայելի ակումբի հյուրն է Կարինե Նալչաջյանը
Ապրիլի 28-ին՝ ժամը 16։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 28-ին՝ ժամը 12։00-ին, Հայելի ակումբի հյուրն է Էդիկ Անդրեասյանը
Ապրիլի 28-ին՝ ժամը 13։30-ին, Հայելի ակումբի հյուրն է Հովհաննես Շահինյանը
Ապրիլի 28-ին՝ ժամը 15։30-ին, Հայելի ակումբի հյուրն է Կարապետ Պողոսյանը
Ապրիլի 28-ին՝ ժամը 15։00-ին, Հայելի ակումբի հյուրն է Աժ պատգամավոր Գառնիկ Դանիելյանը
Հետևեք մեզ Viber-ում
