Թուրքական վանդալիզմ.պատմական Այնթապի հայկական տները վերածում են հյուրատների/տեսաշար/

Թուրքական haberler.com կայքը հայտնում է,որ Թուրքիայի Գազիանթեփ  քաղաքում հին հայկական թաղամասի տները վերակառուցվել ու ծառայում են որպես հյուրանոցներ:Ժամանակակից Թուրքիայի հարավ-արևելյան հատվածի կարևոր զբոսաշրջային կենտրոն համարվող Այնթապ այցելում են թե՛ տեղացի, թե՛ օտարերկրացի զբոսաշրջիկներ, որոնցից շատերը խոշոր հյուրանոցային ցանցերում սենյակներ պատվիրելու փոխարեն նախընտրում են հյուրընկալվել «բուտիկ-հյուրանոցներում»: Այնթապի հին տները, որոնք այսօր վերածվել են հյուրատների, ավելի քան 250-300 տարվա պատմություն ունեն: «Պատմական հուշարձաններ հանդիսացող այս տները հայերից են մնացել», - խոստովանել է նման հյուրանոցներից մեկի տնօրեն Զեյնել Օզքարամանը, որը լրագրողներին ցույց է տվել նաև տներից մեկի վրա մնացած հայատառ մակագրությունները: Երկու հին տների միացման արդյունքում Օզքարամանը ստացել է 14 սենյականոց մի հյուրատուն, որի մեկ սենյակի համար զբոսաշրջիկներից գանձվում է 150-200  թուրքական լիրա՝ մեկ գիշերվա համար: