Պատանդ պահվող երեխայի հորը բժիշկները մի քանի անգամ հանգստացնող դեղորայք են ներարկել

Արմավիրի մարզկենտրոն Արմավիր քաղաքում իրավիճակը շարունակում է լարված մնալ: Armtimes.com-ի թղթակիցը Արմավիրից փոխանցում է, որ «Մանուշակ» մանկապարտեզում այս պահին պատանդի կարգավիճակում է  3 տարեկան մի տղա: Պատանդառուն անձնական բնույթի պահանջ է ներկայացրել, որը ոստիկանությունն այս պահին նպատակահարմար չի գտնում հրապարակել: Հայտնի է նաեւ պատանդառուի անուն- ազգանունը, սակայն ոստիկանությունը քննության շահերից ելնելով՝ մանրամասներ չի հաղորդում:Հարցին՝ վնասվածք ստացած անձինք կա՞ն, թե՞ ոչ, ոստիկանության հասարակայնության եւ լրատվության հետ կապերի վարչության աշխատակից Մարտուն Սիմոնյանն ասաց, որ հիվանդանոցից ոստիկանություն նման ահազանգ չի ստացվել: Մեր հարցին, թե ինչպե՞ս է տղամարդուն հաջողվել մտնել մանկարապտեզ, Սիմոնյանն ասաց, որ դրանք տվյալներ են, որոնք կրկին չի կարող հրապարակել:Մանկապարտեզին հարող տարածքում է պատանդ պահվող երեխայի հայրը, որին մի քանի անգամ բժիշկները հանգստացնող դեղորայք են ներարկել:Նույն վայրում են հավաքվել նաեւ մանկապարտեզի աշխատակիցների ծնողները, որոնք մի քանի ժամ է իրենց դուստրերի մասին լուր չունեն:Դայակներից մեկի մայրը՝ տիկին Գոհարը նշեց, որ աղջկա՝ Սեդայի, մասին տեղեկություններ չունեն, զանգահարում են, անհասանելի է: