«Ոչինչ մի բացառեք». Աղվան Վարդանյանը՝ փոխվարչապետի պաշտոնի մասին

Լուրեր են շրջանառվում,որ  Ազգային Ժողովի ՀՅԴ խմբակցության ղեկավար Աղվան Վարդանյանը հավակնում է ՀՀ նախագահի կամ ոստիկանապետի պաշտոնին։«Աշխարհը պտտվում է, ոչինչ մի բացառեք»,-ԱԺ-ում  լրագրողների հետ հանդիպմանը ԱԺ ՀՅԴ խմբակցության ղեկավար Աղվան Վարդանյանը չբացառեց, որ հաջորդ տարի փոխվարչապետ կդառնա: 2018-ին Հայաստանի պարտքը կնվազի. ֆինանսների նախարարը ներկայացրել է կառավարության անելիքը Այսօր, ի պատասխան լրագրողների հարցին, թե՝ մամուլում առկա են տեղեկություններ, որ ԱԺ ՀՅԴ խմբակցության ղեկավար Աղվան Վարդանյանը հիմա էլ ՀՀ փոխվարչապետ դառնալու հավակնություններ ունի, արդյո՞ք այդպես է, Վարդանյանն ասաց, որ նման մտադրություն չունի.«Մամուլը շատ բան կարող է գրել։ Նման հարց իմ մտքում չի էլ եղել, բայց ես ձեզ երաշխավորում եմ, աշխարհը պտտվում է, և ոչ մի բան մի բացառեք»: Անդրադառնալով խորհրդարանում այսօր սկսված 2018 թվականի բյուջեի նախագծի քննարկումներին էլ , Աղվան Վարդանյանն ասաց`ոլորտային քննարկումներ են իրականացվել եւ իր առաջին տպավորությունն այս նախագծից դրական է: Ասում է` բյուջեի հիմնական ցուցանիշները ընթացիկ եւ կապիտալ ծախսերի չափաբաժինը, վերջին տարիներին համաչափ չեն եղել: Տարիներ շարունակ կապիտալ ծախսերը չեն ավելացվել: Եկող տարի նախատեսվում է մոտ 100 միլիարդով ավելացնել բյուջեն, որի 70-ը գնալու է դեպի կապիտալ ծախսերի ավելացում: Սա, Աղվան Վարդանյանին հույս է տալիս: Կառավարությունն էլ է խոստանում, որ այս եւ եկող տարիները լինելու են զարգացման եւ հնարավորություն է լինելու աշխատավարձերին եւ թոշակների բարձրացմանն անդրադառնալ: