Կոտայքի մարզում բախվել են Գազ 24-ն ու Nissan March-ը

Երեկ՝ փետրվարի 26-ին, ավտովթար է տեղի ունեցել Կոտայքի մարզում: Ժամը 22:00-ի սահմաններում Հրազդան քաղաքի Հայ Ֆիդայիններ փողոցի վրա գտնվող գազալցակայանի մոտ բախվել են Գեղարքունիքի մարզի Դդմաշեն գյուղի բնակիչ, 25-ամյա Գուրգեն Ստեփանյանի վարած Գազ 24 մակնիշի 03 ՍՏ 064 համարանիշի և Կոտայքի մարզի Արամուս գյուղի բնակիչ, 25-ամյա Գոռ Բարսեղյանի վարած Nissan March մակնիշի 34 RQ 157 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 վարորդները ու Nissan-ի ուղևորներ՝ վարորդի համագյուղացիներ, 32-ամյա Կարեն Գեղամյանը և 32-ամյա Աղվան Հունանյանը մարմնական վնասվածքներով տեղափոխվել են Հրազդանի բժշկական կենտրոն: Վթարի վայր են ժամանել Ճանապարհային ոստիկանության 2-րդ սպայական գումարտակի 3-րդ վաշտի 2-րդ դասակի աշխատակիցները՝ վաշտի հրամանատար Արթուր Պետրոսյանի, հրամանատարի տեղակալ Երվանդ Ալեքսանյանի և դասակի հրամանատար Կարեն Ներսիսյանի գլխավորությամբ: Փաստի առթիվ Հայաստանի քննչական կոմիտեի Կոտայքի մարզային քննչական վարչության Հրազդանի քննչական բաժնի քննիչ Խաչատրյանի կողմից նյութեր են նախապատրաստվում: Քննիչի հանձնարարականով մեքենաները տեղափոխվել են ոստիկանության Հրազդանի բաժնի պահպանվող հատուկ տարածք: