ՌԴ-ն կարող է դուրս հանել Սիրիայից ռազմական ուժերի մի մասը
Ռուսական «Коммерсантъ» պարբերականը՝ հղում անելով իր ռազմադիվանագիտական աղբյուրներին հայտնում է,որ Ռուսաստանը մտադիր է դուրս հանել Սիրիայի տարածքից իր ռազմական ուժերի մի մասը:Ռուսաստանի Դաշնության պաշտպանության նախարարության տվյալները, համաձայն որոնց Սիրիայի իշխանություններն այժմ վերահսկում են երկրի տարածքի 95 տոկոսը, այդ իսկ պատճառով հավելյալ օգնության կարիք չունեն,հայտնում է պարբերականը: Նշվում է, որ նման որոշման կայացման դեպքում կկրճատվի Սիրիայի տարածքում գտնվող ռուսական օդատիեզերական ուժերի խառը ավիախումբը, մինչդեռ հակաօդային պաշտպանության համակարգերը կշարունակեն այնտեղ մնալ: «Ամեն դեպքում, վերջին խոսքը գերագույն գլխավոր հրամանատարինն է՝ Վլադիմիր Պուտինինը», - ասել է պարբերականի զրուցակիցներից մեկը: ՌԴ ՊՆ-ն նման որոշման կայացման մասին տեղեկությունները դեռևս չի հաստատել, իսկ նախագահ Պուտինի խոսնակ Դմիտրի Պեսկովը նշել է, որ նման որոշումները հրապարակային կերպով չեն հաղորդվում:
Հետևեք մեզ Viber-ում
