Հայաստանի քննչական կոմիտեի Լոռու մարզային քննչական վարչությունում նյութեր են նախապատրաստվում երեկ՝ հոկտեմբերի 28-ին Գյումրի քաղաքում հաշվառված, սակայն Վանաձոր քաղաքում բնակվող, 24-ամյա Հրաչ Առաքելյաի դիմումի փաստով:
Shamshyan.com-ի փոխանցմամբ, վերջինս Ոստիկանության Բազումի բաժին հայտնել է, որ այս տարվա սեպտեմբերի 5-ին ժամը 14:30-ի սահմաններում իր ծանոթներ՝ Նարեկ Օհանյանը, ոմն Արմանը, ում մականունը «Պլուտ» է, Սերգեյ Հարությունյանը, Սերիկը և ոմն Արտյոմը Վանաձոր քաղաքի «Լճեր» կոչվող սրճարանում իրենից պահանջել են այդ օրը իր կողմից որպես վարկ 300 հազար դրամ Արդշինբանկ ՓԲԸ-ի Վանաձորի մասնաճյուղի կողմից ստացած գումարը:
Երբ ինքը մերժել է նրանց տալ գումարը, նշված անձինք իրեն տարել են «Թեժ Լեռ«» կոչվող հանդամաս, որտեղ ձեռքերով ու ոտքերով հարվածներ են հասցրել իր մարմնի տարբեր մասերին, ամեն անգամ խփելով՝ պահանջել են նշված գումարը:
Տեսնելով, որ կրկին մերժում է գումարը տալ նրանց, նրանք բռնությամբ իրեն նստեցրել են ավտոմեքենան, տարել Վանաձոր քաղաք, որտեղ Ն. Օհանյանը խաբեությամբ իր նշանած՝ Վանաձոր քաղաքի Վարդանանց փողոցի բնակիչ, 25-ամյա Տաթևիկ Հաճիպողոսյանից վերցրել են իրենց՝ Վարդանանց փողոցի թիվ 82/84 հասցեի տան բանալին և իրեն ստիպողաբար տարել են նշված տուն:
Ծեծը շարունակվել է նաև այդտեղ ու նորից պահանջել են գումարը:
Տեսնելով, որ գումարը չի տալիս, Արմանը հարձակվել է իր վրա՝ սպառնալով, որ՝ «Գումարը տուր, թե չէ՝ կսպանեմ», ու տեսնելով, որ դարձյալ մերժում է, նրան մերկացրել են եւ Արմանը աջ կոշիկի միջից հայտնաբերել է ողջ գումարը, որը հափշտակել ու հեռացել են:
Ոստիկաններն ու քննիչները պարզել են, որ Ն. Օհանյանը Վանաձոր քաղաքի Երևանյան խճուղու բնակիչ, 25-ամյա Նարեկ Օհանյանն է, «Պլուտ» մականունով ոմն Արմանը Վանաձոր քաղաքի Չուխաջյան թաղամասի բնակիչ, 33-ամյա Արման Փերիխանյանն է, Սերգեյ Հարությունյանը Վանաձոր քաղաքի Աբեղյան փողոցի բնակիչ, 25-ամյա Սերգո Հարությունյանն է, իսկ ոմն Սերիկը՝ Վանաձոր քաղաքի Զ. Անդրանիկի փողոցի բնակիչ, 24-ամյա Սերիկ Կիրակոսյանն է:
Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական միջոցառումներ՝ ոմն Արտյոմի անձը պարզելու, ինչպես նաև նշված անձանց և հափշտակված գումարը հայտնաբերելու ուղղությամբ:
Առաքելյանը կատարվածի մասին նախկինում Ոստիկանություն չի դիմել:
Ապրիլի 29-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 29-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Ապրիլի 29-ին՝ ժամը 15։30-ին, Հայելի ակումբի հյուրն է Արմենուհի Կյուրեղյանը
Ապրիլի 29-ին՝ ժամը 13։30-ին, Հայելի ակումբի հյուրն է Արմինե Ադիբեկյանը
Ապրիլի 29-ին՝ ժամը 12։30-ին, Հայելի ակումբի հյուրն է Կարինե Նալչաջյանը
Ապրիլի 28-ին՝ ժամը 16։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 28-ին՝ ժամը 12։00-ին, Հայելի ակումբի հյուրն է Էդիկ Անդրեասյանը
Ապրիլի 28-ին՝ ժամը 13։30-ին, Հայելի ակումբի հյուրն է Հովհաննես Շահինյանը
Ապրիլի 28-ին՝ ժամը 15։30-ին, Հայելի ակումբի հյուրն է Կարապետ Պողոսյանը
Ապրիլի 28-ին՝ ժամը 15։00-ին, Հայելի ակումբի հյուրն է Աժ պատգամավոր Գառնիկ Դանիելյանը
Հետևեք մեզ Viber-ում
