Հայաստանը երկրորդ անգամ հայտնվեց միջազգային սկանդալի կենտրոնում
Հայաստանը, փաստորեն, երկրորդ անգամ հայտնվեց միջազգային սկանդալի կենտրոնում։ Բնապահպան Կարինե Փանոսյանն այսօր լրագրողների հետ զրույցում կարծիք հայտնեց, որ սպասվում էր, որ Գյումրու կենդանաբանակաան այգու հայտնի սկանդալից հետո «Դեյլի մեյլը» այլև չի անդրադառնա տեղի բնապահպանական վատ վիճակին: «Մի քանի օր առաջ պարբերականը կրկին անդրադարձավ մեր երկրին։ Եվ սա դեռ սկիզբն է։ Այս անգամ խոսքը վերաբերում է Կարմիր գրքում գրանցված գորշ արջերին, որոնց պաշտպանությունը պետք է առանձնակի լուրջ կազմակերպվեր։ Սակայն պետական մարմինները շարունակում են կենդանիների պաշտպանության նկատմամբ անտարբեր վերաբերմունք ցուցաբերել»,-ասաց բնապահպանը: «Դեյլի մեյլի» տեսախցիկը ֆիքսել է ռեստորանային համալիրի բակում վանդակներում պահվող արջերին՝ քաղցած և խղճալի վիճակում. «Հայաստանի գրեթե յուրաքանչյուր քաղաքում՝ մասնավոր տարածքներում տեղադրված վանդակներում պահվող արջեր կան՝ սկսած Երևանից, վերջացրած Հրազդանով։ Երևանում առնվազն 7-8 ռեստորան կա, որտեղ արջեր են պահվում, մեկ ռեստորանում նաև գայլ են պահում»:
Հետևեք մեզ Viber-ում
