Կեղծիքի «դետեկրի» առջև պատասխանը չտվեցին, այդ «դետեկտրը» չաշխատեց Ռուսաստանից բերելուց հետո. Անդրանիկ Քոչարյան
«Ժողովրդավարության, անվտանգության և զարգացման ազգային կենտրոն» ՀԿ նախագահ, ՀՀ պաշտպանության նախկին փոխնախարար Անդրանիկ Քոչարյանի կարծիքով այսօր անհրաժեշտ է զբաղվել Հոկտեմբերի 27-ի բացահայտմամբ, այլ ոչ թե խոսել հետևանքների մասին: Ըստ նրա՝ այսպիսի հանցագործություն պետության դեմ ռոմանտիկներն ի վիճակի չէին իրականացնել առանց որևէ աջակցության։ «Ադպիսի հանցագործությունները պատմության մեջ լինում են լուրջ հիմնավորված և մոտիվացված, դա ուղղված էր մեր պետության դեմ, որի հետևանքները մենք մինչև հիմա կրում ենք, և բացահայտումն է, որ մեզ հնարավորություն կտա պատժել բոլոր մեղավորներին: Եվ վերջին հաշվով այսօր մարդիկ կան, որոնք կեղծիքի «դետեկրի» առջև պատասխանը չտվեցին, այդ «դետեկտրը» չաշխատեց Ռուսաստանից բերելուց հետո, լիարժեք չօգտագործվեց, և մարդիկ կային, որոնք պետք է այդ սարքի մոտ ինչ-որ հարցերի պատասխանեին, որը հնարավորություն կտար փարատել ինչ-որ հարցեր։ Ես կարծում եմ՝ դուք հասկացաք ում մասին է խոսքը»․- ասաց Անդրանիկ Քոչարյանը:
Հետևեք մեզ Viber-ում
