Նոր մանրամասներ Դարակերտի թունավորման դեպքից.պատճառը հայտնի է

Արդեն տեղեկացրել ենք,որ հոկտեմբերի 25-ին, ժամը 10.35-ին, հիվանդանոցից ոստիկանության Մասիսի բաժնում հաղորդում է ստացվել, որ «գազի թունավորում հարցականով» ախտորոշմամբ բուժօգնության են տեղափոխվել Դարակերտ գյուղի բնակիչներ, 1977 թ. ծնված Արևիկ Վ.-ն, 1999 թ. ծնված Լիլիթ Վ.-ն և 2002 թ. ծնված Վարդուհի Վ.-ն: Մեկնած օպերատիվ խումբը պարզել է, որ նրանք նույն օրը, ժամը 10.00-ի սահմաններում, իրենց տանը թունավորվել են շմոլ գազից: Նոր մանրամասներ են ի հայտ եկել դեպքից.մեր ունեցած տեղեկություններով գազի օդամղիչ խողովակի մեջ  թռչուն է հայտնվել,տեղի է ունեցել խցանում,ինչն էլ պատճառ է դարձել,որ գազը ներս լցվի և առաջացել է թունավորում: Տուժածների վիճակը արդեն լավ է,նրանք ապաքինման փուլում են: