Սպանություն, ինքնասպանություն լինում է բոլոր բանակներում. Վիգեն Սարգսյան
Այսօր Եռաբլուրում լրագրողների հետ զրույցում Պաշտպանության նախարար Վիգեն Սարգսյանը, անդրադառնալով բանակում օրեցօր ավելացող սպանությունների և ինքնասպանությունների դեպքերին, նշեց, որ սպանություն, ինքնասպանություն լինում է բոլոր բանակներում և բանակից դուրս և պետք է ավելի սիստեմատիկ վերլուծություններով և հետևողական աշխատանքով նվազագույնի հասցնենք այդ դեպքերը: «Նման դեպքերից որևէ մեկը երաշխավորված չէ և այդ դեպքերը լրջանալու, բայց ոչ երբեք հուսահատվելու առիթ պետք է լինեն: Վիճակագրությունը ցույց է տալիս, որ այն Զինված ուժերում, որոնք ներգրավված են մարտական գործողությունների մեջ, հոգեբանական լարվածությունը, միջանձնային հարաբերությունները հաճախ տեղի են տալիս նման դրամատիկ հետևանքների: Մենք ևս ապահովագրված չենք դրանցից և որպես հասարակություն, մենք պետք է ահազանգը լսելիս ոչ թե հուսահատվենք, այլ վերլուծություն կատարենք»,-ասաց Պաշտպանության նախարարը:
Հետևեք մեզ Viber-ում
