Պետությանը «պարացրել» են ռուսական սապոգի տակ

Ինչպես երեկ արդեն հայտնել ենք,  ՌԴ վարչապետ Դմիտրի Մեդվեդեւը իր հայ գործընկեր Կարեն Կարապետյանի հրավերով պաշտոնական երկօրյա այցով Հայաստանում է,ում  օդանավակայանում դիմավորել է վարչապետ Կարեն Կարապետյանը: Վարչապետների առանձնազրույցին, ընդլայնված ձեւաչափով քննարկումներին,ինչպես նաև  միջկառավարական, միջգերատեսչական եւ միջտարածաշրջանային փաստաթղթերի փաթեթի ստորագրմանը ,  Եվրասիական միջկառավարական խորհրդի նիստին  հաջորդել է   Կարեն Կարապետյանին պատկանող <<Ֆլերենս>> ռեստորանում ընթրիքը: Ընթրիքն այս անգամ տարբերվել ու առանձնացել է: Ավանդական կեր ու խումը համեմվել է   Պարի պետական անսամբլի ելույթով,որն իրականավել է  մշակույթի նախարար Արմեն Ամիրյանի բանավոր կարգադրությամբ: Պարի պետական անսամբլի ելույթը նախատեսված է եղել ժամը 18:00-19:00 միջակայքում,սակայն անսամբլի պարողներին ռեստորան են տարել մի քանի ժամ շուտ,իբրև թե անվտանգության նկատառումներից ելնելով:Նախատեսված է եղել 2-3 պարի բեմադրություն : Սակայն արդեն պաշտոնական հյուրերի ժամանումից հետո ցուցադրվել է ընդամենը մեկ համար: Սա  աննախադեպ է նրանով ,որ նման ավանդույթ և մշակույթ ունեցող անսամբլը ,որը նաև մեր պետության խորհրդանիշներից մեկն է ,նման ճաշկերույթների հյուրերին է զվարճացնում: Կարելի է ասել,որ պետությանը «պարացրել»  ռուսական սապոգի տակ: Ի դեպ, ՌԴ վարչապետ Դմիտրի Մեդվեդեւը Instagram-ի իր էջում ներկայացրել է Հայաստան կատարած ուղեւորության իր տպավորությունները՝ մի քանի  լուսանկարներ հրապարակելով:Առաջին լուսանկարում հայկական բնապատկերի լանդշաֆտ է, երկրորդում՝ Երեւանում տեղադրված Խորհրդային Հայաստանի 50-ամյակին նվիրված հուշարձանը, երրորդում՝ կին է, որը ժենգյալով հաց է պատրաստում, իսկ վերջին լուսանկարում ազգային տարազով պարողներ են պատկերված,հավանաբար հենց մեր ներկայացրած խնջույքից: