«Արտակ Զեյնալյանը պատերազմի ժամանակ 2-րդ կուրսում էր եւ ոտքը կորցրեց». Արամ Սարգսյանը հեգնում է
«Ելք» դաշինքի պատգամավոր Արամ Սարգսյանն այսօր ԱԺ-ում լրագրողների հետ զրույցում խոսեց Պաշտպանության նախարար Վիգեն Սարգսյանի հայտարարած մեղադրանքներին, թե օգտվել են տարկետման իրավունքից եւ բանակում չեն ծառայել:«Պետք չէ Նապոլեոն Բոնապարտի կեցվածք ընդունած գալ…90-94թթ., երբ իրենք ուսանում էին, իրենց ուսանող-ընկերներից շատերը ռազմաճակատում էին: Այդ ժամանակ, երբ օրհասական խնդիր էր դրված, իրենք համալսարանում նստած՝ սովորում էին: Այդպես «համալսարանական ջոկատներով» պատերազմի էին մասնակցում: Այդ առումով, իհարկե, իրենք պետք է «դիսկոմֆորտի» զգացողություն ունենան: Լավ չի, որ չունեն: Չեմ ասում, թե երկիրը պետք է բաժանենք պատերազմի մասնակցածների եւ չմասնակցածների, բայց մասնակցածներին, օրինակ՝ Արտակ Զեյնալյանին, պետք է առավելություն տանք, որովհետեւ նա այդ ժամանակ 2-րդ կուրսում էր եւ ոտքը կորցրեց»:
Հետևեք մեզ Viber-ում
