Մեղրիի շենքը ինչու ենք Երևանով փոխում.վարչապետը դեմ է անհավասարությանը
ՀՀ տնտեսական զարգացման և ներդրումների նախարարության կողմից առաջարկվել է «Մեղրի» ազատ տնտեսական գոտի» փակ բաժնետիրական ընկերությանը տրամադրել ՀՀ ԳՆ սննդամթերքի անվտանգության պետական ծառայության աշխատակազմի Ագարակի սահմանային կետի վարչական տարածքը՝ փոխարենը ծառայությանը հատկացնելով ՀՀ տնտեսական զարգացման և ներդրումների նախարարության «Հավատարմագրման ազգային մարմին» պետական ոչ առևտրային կազմակերպությանն անհատույց օգտագործման իրավունքով տրամադրված Երևանում Կոմիտասի պողոտա 49/2 հասցեում գտնվող շենքից 466,5 քմ մակերեսով տարածքը:Նման որոշման նախագիծ կառավարության այսօրվա նիստում ներկայացրեց ՀՀ պետական գույքի կառավարման վարչության պետի տեղակալ Անդրեյ Սիմոնյանը: «Մեղրիի շենքը ինչու ենք Երևանով փոխում, անհավասար փոխանակում է, եթե Մեղրիում տարածք պետք է տանք, կտանք, Երևանում ինչու ենք տարածք տալիս», - վարչապետը չհամաձայնեց: Քննարկումների արդյուքնում ենք եկել այս որոշմանը,ասաց Անդրեյ Սիմոնյանը: «Բայց անհրաժեշտությունը որն է, շատ լավ է, որ Մեղրիի տնտեսական գոտուն տարածք տալիս ենք, բայց ՍԱՊԾ-ին տարածք տալիս ենք, թե չէ, քննարկելի է, եկեք նայենք», - ասաց Կարեն Կարապետյանը:
Հետևեք մեզ Viber-ում
